GPH Ni 3 in Asia gamkai Pawlpi lamkaite’n siempute tasah leh lungsim damna poimaw dan thu na kikup uh
Kinepna lienpi toh siengthou zinna ni 3 ni Khawmpi ah Asia gamkai ah lamkaite kikupna ah siempute leh siadawte tasah leh lungsim damna poimaw dan nasah in kikup ua, mailam ah siempu leh siadawte dingin lungsim leh tasah damna ding ki houna tuam leh Khawmpi tuam tuam sai ding poimaw dan hun saupi kikup uhi.
Pu Cardinal Kikuchi in genna ah, siempute in buaina tampi atuah chiengin, kikuppi ding nei sih ua, alawm siempu dangte kunga buaina gen chiengin khatte’n ngaisah lou in, simmaw bawl in, tua chiengin abuaina uh koima kung gen ngamlou in amatang in lunggimpi, buaipi uhi.
Pu Cardinal Kikuchi in gen kiana ah, Siempute’n gensietna leh buaina atua chiengin, koima panpi ding neisih ua tua chiengin lungsim nuaina leh lungsimna in nei loh uhi.
Siempu leh siadawte lungsim damna hinkhuo jathei na dingun, training, seminar leh kihouna lungsim toh kisai mailam ah saipi ding poimaw dan thu gen hi. Tualeh jong Asia gamkai ah siempu adieh ah korea, Japan leh Taiwan ten Mangham theilou jiehun gamdang siempute kikawm tuah leh ki houna ding hasah dan na gen ah, tuate Mangham sanginn a training pie ding pawimaw dan jong na gen hi.
