Pawlpi malam hun adinga Media bawltheinate Asia gamkai a bishopte’n ngaikhietna nei
Nov 29 a Great Pilgrimage of Hope press conference a sil kibawl poimaw khat khu FABC- OE Chair Bishop George Pallipaablil in hunkhana thugen thu agenna ah local leh international mediate toh kikawmna ana nei hi.
Penang a The Light Hotel a kimang tami session hi pawlpi lamkaite, journalist te leh media practitioner te adingin Asia gama pawlpi malam hun ding genkhawmna hun lemchang khat ahing hi a, adieh in Seoul a World Youth Day 2027 leh kum 2033 a Great Jubilee adinga kisahkhawlna adingin zong.
Penang Diocese a Social Communications Office luboh Daniel Roy mapuina neiah, nai khat sung vel cardinalate leh bishopte toh hun ana kizang ta a tuazouin Bishop George in hun hi ang khel lamdang ta a, media mi ang kikhawmte kungah hichi’n thudohna ana nei hi:
"World Youth Day leh kum 2033 a Jubilee thupitah hing tung dingte lam-et in, Tami pawi hingtung dingte adinga poimaw nasah te uh bangteng ahiei?"
Tami thudoh in dawnna poimaw leh ngaituona ni tah ahing siem hi, Pawlpi tawndan a khanglaite tunga apanlahna tung leh innovation tunga malam hun mukhawmna neiding ahing kilangsah hi.
Digital khangthate pan lahsahna
A masa pen ah khanglaite kung tunthei nadinga digital vanzah apoimaw dan aha gen mama hi. Tualeh thugenpa in kum 8 sunga Aisa gamkai sunga gam tuomtuomte azinnate apat a atheikhiet khanglaite hindan lama kikhel lamdangna nasa tah in agen hi.
Thungetna leh Pasian biehna pan a hun peisate mukiana
Ani na’n ngaidan kizawmkhawm (complementary perspective) apie a, Khanglaite’n zong hagau lam ginna zung tawndante pan in asui hi chi pawlpi atheisah kia hi chi’n Kuala Lumpur pan a hing pei parish lamkai khat in tuolsung khanglaite vaiguonte pan a atheikhiet thute agen hi.
Balance leh Innovation neithei nadinga hatna
Tami dawnna nite apata theikhiet te hi Asia gam a pawlpi mission ading leh hagau lama tawndan hausatna kembit zing a tawndam lam leh technology lama kizawm a akibah nading ahi.
Malam hun etna
Kinepna Lienpi toh Zinna Siengthou Pawi tawp lam hun nai toh kitawnin press conference tungtrawn a theikhietnate’n Asia gam a pawlpi adingin lampi akawh pieh hi. Seoul a World Youth Day leh kum 2033 a Great Jubilee adinga kiginkhawlna in logistics leh events chilou sil tampi atelsah hi; sil siem dohna lama kizang leh hagau lam thuh tah hoitah akizawpkhawm angai hi.
