Penang Khuopi a Khuolzinna Siengthou lopna a Mass Siengthou latna ah Cardinal in Asia Gamkaipi a Khristien Pawlpite malam muthei leh tangthu sutte hi uhheh chi’n gen
Penang Khuopi ah Kinepna toh Khuolzinna Siengthou atawntou jel a, 27 November ni’n Cardinal Francis, Penang siempupipa mapuina toh Latna Siengthou gimnei tah in akilat hi.
Gam 32 pat a azaza a pawi hing siimte kungah Cardinal Francis in Asia Gamkaipi a pawlpite “Tangthu sutte, mang mante leh malam manute hing hi uhheh” achi hi. Tam hi kikupna a thupi “Asia Gamkaipi mi hina toh zinkhawmna….tuachi’n lam tuomtuom tuon in akuonta uhi” toh kituoh a agen ahi.
Apeisa 2006 kum a Thailand Khawmpi a kithukimnate zop in Cardinal Francis in mipite achiel a, “Tangthu thupi pen naki sut, Jesu Khrist tungtang tangthu, Asia Gamkaipi leh kiim leh paam a sut ding” chia kithukimna, Hagau Siengthou toh pang khawm tawntungin sut nalai vai” chi’n khawmpi hing siimte ahanthawn hi.
Jesu in John 14:26 a ana chiem tutan in atuoi nalai: “Ei tanga a techi a pang Hagau Siengthou in bangma jousie ahing hil dinga, ka gen jousie na lung u’ah hing kilou ding hi” achi khu athupi mama hi chi’n zong agen hi. Pawlpi in “malam atha in ngaisun siem henlen, malam khu kipumkhatna leh khat leh khat dinga na kiseppiehna tungah kingam hen’ achi hi.
Cardinal Francis in tawndan kisuttuona poimaw asa a, “tahsanna khat pouma a tawndan kisuttuona aumsihleh tahsanna amawhnasan tahsanna ahi” achi hi. Tualeh pawi hing siimte kungah na Katholik Tahsanna uh lahthei in nei un tualeh bang chibangin khuo leh tui tawndan toh akituoh diei chi’n zong ngaituo siem un achi hi.
Cardinal Francis in Asia Gamkaipi a misiengthou nasuohte leh biehna techite adieh in Vietnam. Korea, India, Cambodia leh gam dangdanga misiengthoute aphawh hi. Amahaw hi “malam mamute ahi ua, Thuhoi Thupha za nailoute kungah ana phuong uhi” achi hi.
Malam zuon a Pawlpi Kinepna Jubilee Kum, tualeh Leitung Khangnou Pawi 2027 manaw a zin ihi ua, Kipawlkhawm nadinga Kikupna khup kum in Cardinal Francis in Katholik Pawlpi mite achiel a, Hagau Siengthou mapuina ah kingam vai in malam tuon vai, tualeh Laisiengthou thungetna ngen vai: “Maranatha! Hing pei in Topa Jesu.”
