University of Malaya Scholar in FABC kung ah Asian gam a kikhenna piengte hoi asa lou dan tahlang hi.

Malaysia, Kuala Lumpur, University of Malaya a senior lecturer a Department of Southeast Asian a sem Dr. Choong Pui Yee in agen na a, kikhen khiet napen khotang leh hattuom te thuneina sang in hing lien zaw mahmah ta ah, tampen sil hoilou leh ei ading a zauhuoi khat hing sua thei hi chi’n hilchien hi.

Tuachin Dr. Choong Jakarta khua a July tarik 23 ni in a 12veina Plenary Assembly of the Federation of Asian Bishops' Conferences (FABC) mun ah lamkai tuomtuom hing kalsuon khawm te kung ah politics lam, khotang tawndan lam leh, kikhen nading lunggel tuomtuom hing pieng khie te’n Asian gam a hattuom te kung ah hinna amu uhi chi’n apuonat dan agen hi.

Tualeh, "The Changing Context of Asia and Concrete Ways for a Missionary Synodal Church to Be Bridges and Bridge-Builders," chi thulu zang ah athugen na in khotang leh namsung politics te’n Asian gam buppi leh hattuom sunga synodal mission te sukha ahidan tahlang hi.

 Politics vai, khotang ki vaihawmna leh nam tuomtuom ah kikhen na te pen hattuom kot mai a abei tuom sih hi chi’n tomkim in gen sawnsawn hi.

Tualeh Southeast Asian gam a mipi te kalsuan dante, nam politcis te, hattuom teleh mipi te khohei dan te ana sui chien zing Dr Choong in a mukhiet na ah Asian gam pen mipi ki tuan koikoi te, nam tuomtuom apat hattuom dingkhe te, tualeh deitel theina tawmnou nou te leh Digital communication lam a khangtou na in kikhel na tampi te tun ahidan puangkhie ah, tualeh tam kikhel na te’n hattuom sung a lunggel kibatlou na tampi tun hi chi’n gen hi.

Tampen scolar tampi tah te’n “affective Polarization” ana chi uh, mipi te’n silkhat ama uh deilou dan a lamkai te’n ang puolut chieng un pom siem thei nawnlou in melma bang in en zel uhi chi na hi, chi’n hilchien hi.

Tualeh tamteh ang um chieng in ki houkhawm na ang hahsa ta mahmah hi, aziehpen koima’n thu angai nuom tasih uhi achi hi.

Tualeh Dr chong in tambang dinmun te pen social media leh digital platform tungtawn a mikhat in ama hoisah dan leh gingtat dan te chou ang mu chieng un khat leh khat kikal ah kitheisiemlou naleh ki mudah nateh piengsah hi chi’n ama mukhiet da’n te talang hi.

Tualeh ei gingtute zong mihing kahat ihi na ah tam social media te apat in iki veng bit chitchet theisih ua tuazieh mah in tam media tungtawn ah politcis vai, nam vai leh lunggel tuomtum te ihinkhuo leh hattuom te a I pualut khazel uhi achi hi.

Tuazieh in ihi na tahtah te uh politcis vai, nam vai leh khotang vai a la kha zel in Khrist nungzui a chikhat leh hina kibang ihi dan te uh hing liekhu khazel hi chi muthei in um hi achi hi.

Tuazieh in Asian gam a hattuom te a dinga hattuom neu nounou cia hing mailou a hinanleh khotang kidaidan na nempi lah a lungkituoh tah a hingkhom lieiliei ding a panlah chiet ding in hanthawn hi.

Tualeh hattuom te’n zong tami khat leh khat kikal ah lunggel kibatlou na te zieh ah ki muda tuomlou ding ahidan hilchien ding in hanthawn hi.

Tualeh Asian gambuppi a nam tuomtuom, ham tuomtuom leh tawndan tuomtuom te ateng khom thei bang un Hattuom sung zong tuabang a ki lungtuoh tah a buoina te suveng ding, mi teh kilem sah ding leh kizahtat tuoh sah chiet ding a hattuom te’n panlah ding in hanthawn hi.

Tualeh Hattuom mission pen nam vai leh politics vai a lah mongmong lou ding ahi achi hi. Tualeh i mimal a ding in i tawndan te, i nam te uhleh i hihna te uh apoimo bang in hattuom mipi te’n zong i tawndan te, i nam te uhleh i hihna te uh Jesu Khrist tung a koi zing ding ahi chi’n gen hi.

Hattuom te pe’n Jesu Khrist a khat a umding a hat ihi uhi achi hi.

Tualeh a tamte agen zou in tuni hun a FABC Plenary Assembly thulu lam a lut kia in, Asian gam a hattuom te pen kijop tuohna lei bawl ding te ihi uh chi’n gen ah, Tualeh lei ichi pen khat leh khat ang kikhen chieng in ang poimo mahmah ah tuziehin kilem leh ki theisiemna bawl zing ding khu hattuom te mohpuahna lien pen ahi achi hi.

Tualeh hattuom te’n kikhen na pen nam politics thahatna ahiei ahisihleh thuneizo na zieh a zoh thei ahisih ah, hinanleh pasien in ki ittna te, zainemna te leh kitheisiem na toh kingaidam tuochiet un achi bang a bawl ding hijo ahi chi’n athugen zawhna nei hi.

Tami athugen na tungtawn ah Jakarta mun a hing kalsuan lamkai tuomtuom te’n pan nasatah a lah in Synodality ichi pen athu leh vanzat te maimai hilou ah hinanleh nam tuomtuom te lah a ki theisiemlou na te leh kikhen na te abeithei nading leh buaina sang a ki ittna ahatzaw na ding in mimal chiet a panla ding in hanthawn zou mahmah hi.