Tuolsung Pawlpi khat in amatang in lam azawt sih hi: Synod Consultor in kipawlkhawmna khu Synodality lungtang ahi thu gen
Synodal Pawlpi kichi tuolsung Pawlpite’n zalenna aneijo na ahisih a, akipawlna uh thuuh sah a khangtou a hing hat khu ahi, chi’n Vatican synod official in Federation of Asian Bishops’ Conferences (FABC) a 12 veina Plenary Assembly a kikhawm bishop leh Pawlpi lamkaite ahil hi.
Fr. Giacomo Costa, SJ, Synod a General Secretariat leh Synod on Synodality a principal collaborator in July 24 a Jakarta a Hotel Mulia a Vanda Room a presentation anei na ah "Synod peipi ding dan lampite," chi tungtang thu agenna ah tami thu ana gen hi.
"Pawlpi hi khotang kipawlkhawmna ahi," chi’n agen a, Pasian thu ngaidan mai hi lou a mission peipi khawm dinga kihatna khu ahijo hi chi’n agen chien hi.
Pope Leo XIV in "Evangelical style" chi masawn nadinga Synod peipi dinga angetna gen in Fr. Costa in dawhna poimaw tah khu koite ahiei thuneina sangzo nei chi hi lou in, bangchi bangin hatna leh Pasian nasepna jousie in Pawlpi mission kihawmna ah gin um jo a asemkhawm theu diei chi ahi, achi hi.
Pawlpi asung lama ngaikhietna neite’n nam dang Khristien, sakhuo dang zuite, leh deisahna nei jousiete zana leh kihawnna toh kizawp sah dingin akiging johi chi’n agen kia hi.
Khawvel kikhenna leh kithe thangna nasa tah kal ah, tuolsung Pawlpite lah a kipawlna khu Pawlpi adingin Pasian Thuhoi Thupha te-chi hing hithei ding ahi chi angaidan agen hi.
