Tana pat heisung zuon ding ihi uoi?' chin FABC Associate Secretary in Assembly's mailam kalsuon dingdan dotna bawl hi.

Tualeh the 12th Plenary Assembly of the Federation of Asian Bishop's Conference FABC vaiguon ang bei toh kituoh in, Fr Clarence Devadas, Associate Secretary of the FABC and executive secretary of its office for Synodality in atawp ding kuan in dotna lienpi, " Tamna pat heisung i zuon tading uoi ? Chin mipi te dotna bawl hi.

Assembly's final press conference July 26 ni in Pastoral center of the Cathedral of our Lady of the Assumption, Jakarta, Indonesia mun ah Fr Devadass in tami weeklong Assembly in halna tha tampi ang guon a, tualeh Asian gam a local a hattuom te ading a lampi asie leh apha te khentel thei nading tampi izil khe ta uhi achi hi.

Tuaziehin tuni a hing peikhawm ten i innlam chiet uh i zotna ua nichin a hattuom ten Synodal hinkho azat thei nading in atha in hanciem kia va ui, aziehpen eite tami kipawlkhawmna tungtawn a kinepna lien pen te ihi uhi achi hi.

Tualeh Fr Devadass in tami formal session te, hagau a kihoukhomna te, regional meeting te leh sil tuomtuom tami vaiguon hun a i tuoh te un bishop te leh lamkai te lah a hatna leh chi leh nam kidaidan na te, cultural tuomtuom te, ham leh pau tuomtuom te lah a hatna leh pasian deina bang a nasem zo ding in lunggel siemna te hing tun chiet ngei ding ahidan a lam en thu puong hi.

Tualeh Synodal hattuom hithei tahtah na ding a poimo masa pen khu ahileh lungtang a kikhel na ahi. Tambang a mimal a kikhel na leh pasian nasepna kikhel na lou in i structural te uh suhingtha ding dan hamsa mahmah ding hi achi hi.

I system te uh kheltha ding ahiei, ahisihleh ki vaipuohna tha bawlding zong ahisih a, hinanleh hagau siengthou tungtawn a pasian toh ikal te uh leh mimal a i Kal te u kikhel sah chiet ding ahidan zong hilchien hi.

Tuoleh Asian gam a hattuom ten society leh Hattuom a hahsatna tampi te, lunggel ki batlou nate, migration te, khotang sietna te leh technology khangtou na te ki tuoh zing ahidan zong pulah hi.

Hinanleh tamte hahsat leh lungkham na a gel zo lou in missionary nasepna lam a haltha thei nading a kot lienpi kihawng hijo ahi dan te thei siem ding in hanthawn hi.

Tuaziehin tu in i assembly bei uh toh kituoh in iki khen ding ua, i local hattuom mun chiet i zuon tading uhi. Hinanleh tami mun a iki houkhomna te uhleh i panla ding dan iki kum khom te uh hahsa nan leh a gasuo thei na ding in panla chiet vai chin hanthawn na bawl in ahun zo hi.