Rome hilou, Tualchhung Pawlpite hi Synodal peipina Centre ahi, chi’n Cardinal Grech in FABC hil
Synodality peipi khu Rome pan a thupiehna pan hilou in tuolsung Pawlpite hindan leh mission zangin a lawching ding hi. Tua khu Synod of Bishops Secretary General Cardinal Mario Grech a thugenna bulpi pan ahi a, Asia gam a Bishopte khu Pawlpi Synodal zinna lampi khu aneitu hina tang dingin atawh hi.
July 24 a Hotel Mulia a Vanda Room a Federation of Asian Bishops' Conferences (FABC) 12th Plenary Assembly ah palaite thu agen a, Cardinal Grech in "Synod peipi ding dan lampi tuom tuom " chi thupi zangin thu agen hi. Khovel pum huop a synodal peipi ding dan aban in tuolsung Pawlpite—Vatican ni lou in—siam thana munpi a akoi chi agen sawn hi.
"Tami peipina phase-a thupi khu tuolsung Pawlpi—na Pawlpi," chi’n Cardinal Grech in agen hi.
A thugen sung in Cardinal Grech in kum 2028 Ecclesial Assembly hing umdinga implementation phase khu khovel pum a diocese tuom tuomte kipiehna ah akinga hi chi ahing telte a hil kia sawn sawn hi.
Jakarta a bishop hing kikhawmte kungah thu gen in FABC Assembly ah mimal hilou in pastor bang a ginna hing leh atheinate utoh a tuolsung Pawlpite uh thakhel ahi uh thu agen hi.
"If a local Church fails to contribute, it deprives the universal Church of something vital," he said.
"Tuolsung Pawlpi khat in atuo law atuo sih leh khovel pum huop a Pawlpi adingin chinlouna a um hi," achi hi.
Diocese chin in silpieh lamdang tah tah, pastoral experience, leh culture insights te ahing puo a, tuami’n Pawlpi pumpi kipawlkhawmna ahatsah ahi, achi hi.
"Khovel pum huop a Pawlpi hinna hi na Pawlpite hinna zang in a um zing hi," chi’n agen kia hi.
Vatican Kikuppina nina (Second Vatican Council) hilna pan in Cardinal Grech in Catholic Pawlpi khu Pawlpi kipawlkhawmna bangin agen a, tuanah tuolsung Pawlpi kiching ahi lai in Pawlpi dangte toh kungah kipawlna anei zing ahi achi hi.
A thugen tawpna’n Cardinal Grech in bishopte khu synodality malam hun amau diocese ngeia asiem ding uh chi gingta kawm a agam ua kile dingin angen ahi. Synod siem thana khu bishop, siempu, sakhuo mi leh lay gingtute thungetna, ngaikhie, theisiemna leh mission a peikhawmna parish leh tuolsung khotang hindan in akhangtou ding hi, achi hi.
