Pope Leo in Giro d’Italia Riders te thupha apie a, Khangnoute ettawn ching nahi uhi achi hi

June 1 ni’n Pope Leo XIV in gam 29 pan a cycle heh (cyclist) mi 159 Giro d’Italia tawpkuon a Vatican suo a ang tai phei un ana vaidawt hi.

Akidem san laitah un Pope nousiet dingin akitolduo ua, Pu Pope injong thupha ana pie uhi.

St. Peter’s Basilica sacristy geiah akisutuo ua, Pope in ana vaidawt a, “Vatican ah hing vaidawt ung! Giro d’Italia tawpkuon a kang vaidawt thei uh ka kipah mama hi. Ni hoitah mang va uteh chi kinem ing”, achi hi.

Pope Francis panmun nalah te sunzawm in Pope Leo in ki apmaina leh hagau hinkhuo akinai nate a tahlang hi.

“Leitung pumpia khangnoute ettawn nahi uhi chi theizing un, cycle heh leh ki apmaina tapou in sil hoitah ei hil ahi”, achi hi.

Tualeh Pu Pope in tahsa leh hagau lama aki etkawl zing nadingun a hanthawn hi, “Na tahsa te uh adamthei mabangin na hagau uh jong hat henlen thupha nga hen. Na tahsa pumpi uh enkawl zing un na tahsa tung hileh nalungsim, na lungtang leh na hagau.”

Tuajou in Pu Pope in thupha piehna toh hun jouta hi.

Translated by: William Zo