Pope Benedict XVI Vatican a Pope hina pana aki resign nua a aom na mun Argentina gam pan a ngahnu siengthote’n aluo tading uhi.
Province of Buenos Aires a The Benedictine Order of the Abbey of St. Scholastica of Victoria ngahnu siengthote’n Pu Pope Francis pan in monastic community siem nadingin chielna ana mu uhi chi’n The Vatican in aphuong hi. Vatican khuopi a om tami monastery ah kumkia January lha chiengin Benedictine ngahnu siengtho 6 vel in aluo tading uhi.
St. John Paul II in tami mun Mater Ecclesiae kichi 1994 kum a ana hon ahi. November 2012 kum tan in Congregation tuomtuom pan in ngahnu siengthote kum 3 kihal in tami muna om ding ana kikhel let uhi.
Pope Benedict si zo December 31, 2022 nia Vatican in athuphuonna ah Pu Pope Francis in tami mun hi masanga thungetna mun a ana kijah banga thungetna mun a jah kia dinga tualeh Governorate of Vatican City State etkol na neiah a omding hi chi’n ana gen hi.
A retire zoin tami mun ah Pope Benedict XVI in thungetna toh hun ana manga tualeh ama personal secretary Archbishop Georg Gänswein leh ngahnu siengtho 6 in ana enkol uhi.
May 2, 2023 ni’n tami mun ah ana lut a tualeh a sini December 31, 2022 ni tan ahinkhuo tami mun ah ana mang hi.
#rvazoservice #rvapastoralcare #MaterEcclesiae #PopeBenedictXVI
