Pakistan gam a Sakhuo Zalenna, Mihing dihna leh khotang dihna lam a lamkai tu Bishop Samson Shukardin in kum 2015 apat in Diocese of Hyderabad ah Bishop na a sem ta a, Pakistan Catholic Bishop Conference president na zong a sem kha t ahi.
Gambuppi tuom tuom apat a Catholic lamkai ten Jakarta a Federation of Asian Bishop Conference (FABC) Plenary Assembly 12 vei na nei ding a akisingsah lai in RVAin Bishop Samson khu assembly a alam et dan te, sakhuo tuam tuam kipawlna nei apoimo dan te leh Pakistan gama pawlpi in Asia pawlpi aletjo na din a asil tua leh abol doh dan tea gen khom uhi.
Thu lahkhiat te:
RVA: Pu Bishop Jakarta a FABC Plenary Assembly hing ding ah bang e na lam et pen?
Bishop Samson: Ka lam-et pen chu Assembly hikhovel pumhuap kipumkhat na leh kingainatna hunt thuh tah ahi ding hi.Pakistan gam a ka pawlpite uh nam tawmzo te ding in FABC hi Asian Catholic Pawl lian zo ding a kizopna siamna mun poimo tah ahi. Regional Conference tuom tuom ki zopna a asuhat jo kagingta epleh bol ding t e kakihomtuo thei ding ua,Asian Socio-political landscape buaihuai tah te kal ah thusuo hoi lam ah iki piena kizop khom khu kaisam tha kia thei ding uhi.
RVA: Assembly in a session nei sung in bang sil lian e a gen khiat na lam-et?
Bishop Samson: Assembly in sakhuo lama kingainatna, nam tomjo te humbitna, leh Asia gam pumpi a khanglaite suh hatna leh Pakistan tobang gam te nasa tah a sunongkai thei khuo leh hui kikhelna tun thei dan te ngaituo jing hi apoimo hi. Assembly in pawlpi mihing za umna khu namdang banga kikhel lamdanna thahte laha a humbit thei na ding et angai a huchi leh ki simmona te leh gantheina tuoh ding te ding in kinepna dihtah ape ding hi.
RVA: Pakistan gam a pawlpi ten Asia pawlpi lianpen ding in bang balkhiat e aneithei ding?
Bishop Samson: Pakistan gam a pawlpi in “hinna a ihoutuona” kichi kapeipi dan un siamna lamdang tha thupia thuh tah apeipi hi. Mi tawmnou khat kahi lai un ginna a umsate, mipi teng teng zilsahna leh hiselna lam a kihilna sautah te, leh Muslim mison tah tah te siang ah aneupen a kijopna nasatah te in themkhat pawllpi khu lemna suhattu hattah hithei dan asulang hi.
RVA: Assemblly in adieh tah in “Synodal conversion” leh “Bridge building” lam a ngaitua ding ahia Bangjie in tam thupi te Pakistan gam a biehna toh akijop ei?
Bishop Samson: Pakistan gam ah tam geldauna ahisah a, nichin a pawlpi nasepna a poimo ahi. Synodal Conversion kichi aumjie ahileh, ka siempu teuh, sakhuo mi te leh minautang te khu kikhutjop in, sum leh pai lam ahasatna leh khotang hin hasatna tuoh inkuon te, adieh tah in Sindh gam bang singtang mun a um te kithuopi idng in kakuon jel uhi. Building bridge kichi khu ka buoipi thupi pen uleh akhatna a kakoi uh sep le bol khu ahi. Ka institution uleh Human Rights network zang in nichin kalsuonna kanei jing uhi.
RVA: Mailam hun enpum in Asian gam pumpi ding in tam Assembly in bang bawlkhiat leh bang asuo ding na gingta ei?
Bishop Samson: Kamu dan in Assembly in Asia gambupi ading in pasian nasepna lam a khantouna ding thil bolkhiat thupi mama ang nei ding ka lam et mam hi. Adieh in asung a kijop matna um te adet jing a I ginna uh hat sah na kibe na dia hun tuom tuom te bawlkhiat angai a, khannoute kisuh halna, lamkai ding kisah khol dan te, kichientah a Catholic awging khat neitheina leh biehna zalentah a neitheina neithei ahing hi ding hi.
