“Numei te Tanvou dihtah akilawm tah pieh in” Indian Jesuit ten Asianbishop te kung ah FABC Assembly pansan in gen uhi.
Asia gamkai sung a Catholic Bishop te Jakarta, Indonesia gam July 20-26 tan kipunkhom na nei ding uhi. Tam ahileh XII Plenary Assembly of the Federation of Asian Bishop Conference (FABC) akichi a, tamnah India gam a Jesuit ten pawlpi lamkai te kung ah numei te thahatna leh thunei na tam khawmpi sung a gelkhawm kia ding in deisah nan gen uhi.
Fr. Cedric Prakash, SJ in Radio veritas Asia te kung a akimu pi na ah tam chin agen hi. Assam gam in Synodal leh missionary hi ding atum jiah in asia leh apha theichianna dih tah a maituo angai ahi.
Fr. Cedric Prakash, Jesuit mi Gujarat province, Western India a um, Human Rights a minthang mama leh kilemna lam a nasem, lekha giel mi leh mi zilna pet u ahi. 2021 october a Pope Francis in Synodal Lampi ahonkhiat jou in, Fr. Cedric Prakash SJ khu India gam sung a ding a alamkai leh panlatu in apang hi.
FABC Plenary Assembly a pawlpi in sil poimo te angaitua na lah a Ngaiven deu dia ngisut anei khu numei te tanvou uh ahiding bang a pie ding achi hi.
Fr. Prakash in jong pawlpi te kung a anget na ah pawlpi khu mipite buaina ah, mi zawngkhal te tung ah, khat leh khat ki houtuo n ate ha abil do ding deng ding adei sah hi. Tualeh dihlou na leh ki gensiat tuana, ki mudana leh ki bawlsiatna te hoitah a dou a pang ding adei hi.
Tu nai a khovel pum huap Synodality Synod nei zou khu atahlang a khumi in pawlpi khu mimal leh khotang pianthana mang a mission lampi chin teng ah synodal ahi ngai chi aha gen amam hi.
Agenbe na ah, Fr. Prakash in tam thu hing kipatna bul te in pawlpi khu mipu nautang hatna, kipumkhatna leh khotang dih na leh thilsiam ngaisah na lampia kaihuai ding ahi.
FABC in Hagau siangthou mapuina ngaikhe ding Synodal Conversion pei ding leh thugen pei pi ding in zolnei hangsanna anei ding uhi, chin a thugen khu atop sah ta hi.
