Tami Khristien pawlpite kibulna ahileh Nigeria gam a Benue state ahia, Nipi kal siengtho sungin ana kibulu ua mi 100 vel in shi leh liemna atuoh uhi. Thu kizah dan in Muslim helpawlte dia ginmaw ahi.
April 2, 2023 ni’n Logo County, Benue State a om Akenawe-Tswarev khuo ah naupang khat athat ua tualeh pastor khat leh pawlpi mi phasa khat aman uhi.
Tualeh April 5 nia thuphuon dan in Umogidi khuo ah thautawi mi 5 in mi 50 vel akaplum uhi. Umogidi khuo hi Katholik pawlpi mi tam na khuo khat ahi.
April 7,2023 Good Friday ni’n Muslim helpawlte’n Ngban khuo a sang inn khat abulu ua, tami sang inn sunga teng khristien louhou mi 100 leh a innsungmite athat uhi.
Father Remigius Ihyula, The Benue branch of the Justice, Development, and Peace Commission (JDPC), a Nigerian Catholic relief organization a luboh pa gen dan in, April 7 nia Khristien pawlpite ki bulu natungah mi 43 in shina atuoh a tualeh mi 40 val aliem hi.
Samuel Ortom, The outgoing governor of Benue in mipite kiging khol dingin hilna anei a tualeh policete leh galkap mite ahun Atanga ang tun lo jieh un alumgkimmo nazong aphuong hi.
Apeisa kum 4 masang in Ortom in federal laws a, mipi kivenna dinga thau toh kikepna dan phal pieh nading in kiphinna ana neia hinanleh ana loching sih hi.
