Missio Aachen in FABC toh a partnership uh suh detna nei ah, tualeh local lamkaite pulah na nei hi.

A 12veina Plenary Assembly of the Federation of Asian Bishops’ Confernce (FABC) mun ah  Missio Aachen kichi Germany-based Catholic Mission Agency in partnership tungtawn ah Asian gam a hattuom te panpi ding chia sawt apat ah support ana bawl jing pen thu jo sem in atha in suh detna nei hi.

Tualeh Karina Struck, Officer for the Department for International Mission at Missio Aachen in july tarik 23 ni in Jakarta gam Hotel Mulia mun ah Bishop te, priest te, Religious te leh hattuom lamkai hing kalsuon khawm te kung ah hattuom mission pen gam tuomtuom tetoh ang pangkhom chieng ah hing hat pan ahi chi’n gen hi.

Tualeh hun sawt pi tah i kalsuon khawm nateh uh i nung et tha chieng in FABC toh pangkhawm napen ki lawching mahmah in aki muthei ah, tuazieh in tami tungtawn in nang muong nateh uh, na panlah nateh uleh nang kithuoh pi nateh uh i partnership ading in nuom tuam mah ah tam teh zieh in na kung uah lungdam thu kang tut uhi, achi hi.

Tambang a lungdamna ang neithei dieh napen ahileh FABC Plenary Assembly sung ah Asian gamsung ah Catholic hattuom lamkai tuomtuom te tami, “ The Call to Synodal Coversion and the Mission to be Bridges and Bridge-builder in Asia.” Theme nuoi ah kituoh tah a kalsuon khawm te ang muh na tungtawn ahi.

Tualeh tami Missio Aachen’s nasepna pen local hattuom te, bishop te, priest te, religious te, pasien nasem te leh mipi theipih naleh kipieh zawh na te tungtawn a kinga ahi chi’n Karina Struck in hilchien hi.

Noute local hattuom leh khotang ah na kipieh zawh nateh zieh mahmah un ikipawl khawm na tungtawn ua kheel thei guol in mipi te ading in kinepna leh muonna nahi zing uhi achi hi.

Tualeh local hattuom tele mipi te kikal ah ki pawlkhawmna dettah te zieh in pasian nasepna lam ah panpi ngai te a ding in bailam tah in khotuoh na leh panpih nateh pieh thei ahidan zong atah lang hi.

Tami kipumpieh zawhna pen mah ahi Bangkok, Thailand a FABC toh Missio Aachen’s regional office ki dinkhiet nasan ahi achi ah, Tualeh tami office in local hattuom te’n mipi te buoina te tung a thukhen thei na ding thanei lienpi leh vaihawm theina ding leh apoimo nalam lam a panlah thei nading thunei nateh a guon hi achi hi.

Tualeh Missio Aachen in Asian gam a hattuom te policy discussion leh sum-leh-pai tungtawn a panlah theina ding in local vanjat poimo te kum 2 vingveng thapieh na kinei hi achi ah.

Tualeh tambang a panlah na in project te apoimo dungzui a gam pulam a pot sang in local a poimo dungzui a zat theina ding lampi ki hongsah hi chi’n agen belap hi.

Tualeh tami FABC Plenary Assembly tungtawng in Asian gam a Local hattuom lamkai mun tuomtuom apat hing kalsuonte apat in hamphat naleh hahsatna atuoh te uh ngaikhiet thei a aum pen Missio Aachen in hamphat huoi sa mahmah hi.

Tami Plenary Assembly in na lunggel te uh, na ngaidan te uhleh na kinepna te uh ngaikhiet thei nading hunlem ang guon natunga hamphat huoi akisah a, tuziehin tami iki houlim naleh i vision te uleh iki lungtuoh nateh un I hattuom te, i sanginn teleh administration tuomtuom te hing suhat tahen chi’n ahanthawn ah.

Tuachin athugen zaw nading in struck in tuni hun a hing kalsuon Missio Aachen leh a panpi tuh te zousie in FABC leh Asian gam ah a mission te ua ki thuohpi zing ding leh thumna te, sum-leh-pai te leh nasep nalam a kipanpi zing ding ahi chi’n hanchiem hi.

Tami athugen te tungtawn in Hattuom synodal tup leh ngim pen gamdang apat i kithuopi i lawm te’n local hattuom te deina bang a pasian nasem ding ah ang panpi chieng in ahat uhi. chi assembly theme toh ang ki zaiton mahmah hi.

Aachen, Germany gam apat hing ki phut khie Missio Aachen pen Vatican theipih Pontifical Mission Societies ahia tualeh pawlpi lian pipi toh kikhut zawp ahi. Tualeh ama un bang chilai pou in pasian nasem dingte, pasian thugen a vah koikoi te, mi genthei te panpi na te, hattuom khangtouna lampang adieh in africa, Asia leh Oceania te tawhsawn zing ah, tualeh pawl khat poupou angen a dingthei na ding in ki pawlpi zing hi.