Northwestern Malaysia, Bukit Mertajam a Minor Basilica of St Anne a kum sim a tami pawi kibawl hi Penang state heritage asset chi’n Penang State Heritage Enactment 2011 neiah chiemtena akinei ta hi.
Tami thuphuonna hi May 9 nia kampung Kubang Semang a Mengkuang Titi ah State Heritage Commissioner’s Office saina neia Penang State Heritage Declaration Ceremony vaiguon kibawlna ah phuondoh ahi.
Tami vaiguon hi Penang Chief Minister Chow Kon Yeow in amapui ahi.
Tam chiemte na in Feast of St Anne hi Penang’s protected intangible cultural heritage traditions te lah ah akoi a, tualeh state adinga sakhuo lam leh culture lam a hunsawtpi panmun alahnate jong atawisang hi.
Kum siel in July ha chiengin Minor Basilica of St Anne biehinnpi ah tami pawi thupitah in akimang let a Malaysia gam a Katholik Pawi thupipen dinga gen ahia, Southeast Asia a Khristian pilgrimage tamna pen te lah a khat ahi.
Kum siel in zinna siengthou nei mi leh khuolzinmi atul asim in ang pei a annual novena leh pawi lawm dingin Bukit Mertajam ajuon let uhi. Tamna hing khuolzinmite hi Malaysia tualeh Singapore, Thailand, Indonesia, the Philippines leh tami Asia gamkai sunga gam dangdangte ahi tangpi uhi.
Tami pawi ah Mass Siengthou ham tuomtuom in akinei a tualeh khuoimeivah toh lamzawtna, Khigui suttna leh thungetna te St Anne, Tonu Mari nu ngaisun in akimang hi.
Penang State Heritage Enactment 2011 neiah building leh historical site-te maimai heritage recognition pieh ahisih a, culture expression, tradition leh practice-te zong state identity leh historical development adinga poimaw ahi.
Radio Veritas Asia toh kihoulimna ah Deacon Lazarus Anthony in Penang state solkal in Feast of St Anne pen intangible cultural heritage asset banga a pawm jiehin kipahthu agen hi.
“Tami Pawi hi kum sim a sakhuo lam pawi maimai ahisih a, akhang akhang a tawndan naki peipi pen khangtha te hagau lam leh kipumkhatna tualeh Penang cultural identity hausa sah khat ahi,” achi hi.
St Anne’s biehinn tangthu hi kum zabi 19 laia kipan ahitabou a, Batu Kawan a natna hih leng jieh a nataimang Chinese leh Indian Katholik migrant-te khu Bukit Mertajam-ah a um ua, St Anne’s Hill muol neiah akikhawm let ua thungetna ana nei let uhi.
Muol tungah chapel masa pen alam ua, tuami jou in chapel nina alien zaw pen kum 1865 in ana lam ua, kum 1888 in Fr. F. P. Sorin in Biehinn lien zaw alam a, tun hun in “Biehinn lui” ahisih leh Shrine of Harmony chi’n akithei hi. Tua mun siengthou hi kum 2002 a naki hong ahia, kum sim a Pawi siim dinga mipi tamtah hingpei thei nadinga guon anahi hi.
2019 Kum in Pope Francis in tami biehinn hi Minor Basilica dingin ana tawisanga, Malaysia gama biehinn te lah a tami tawisangna tang masapen ahi hi.
