LEBANON GAM A KHRISTIEN PAWLPITE GALTAI UH
Lebanon Gam ah Khristien pawlpi mite atam mama ua, siempupite leh siempute hitaleh munpi (parish) tamtah zong aum hi. Agam mite thuohteng amahaw'n zong athuoh ua, Israel kumite'n mun tuomtuom ah bomb akhiehlu uhi,adiehdieh gamgi tuom ah. Apeisa kal sungin mi 90,000 vel in a inn a lou uh nuasie in atai ua, atai lah ah Khristien pawlpi mi tamtah zong aum uhi.
A inn a loute uh tu'n suongvui leivui asuohta hi. Hichia galtaite nisim in akibelap uhi. Khristian pawlpi mi panpi dingin Katholik Pawlpi a kipawlna lien mama khat, AID TO THE CHURCH IN NEED kichite'n panpina tamtah apie ua, tu'n anntang tuibuh, puonsil nihten akihawmsan laitah ahi. Bomb kikhiehlu nailou biehinn tuomtuom ah abusa ua, diocese thum ahiei khat ah panpina ahawm uhi. Hichia galtaite'n inn leh lou amansuo ban u'ah, asum apai lawnate uh zong amansuota uhi. Atamzaw pen louhou mi ahi uhi.
