Federation of Asian Bishops' Conferences (FABC) in XII Plenary Assembly July 20-26,2026 sunga neiding asawm toh kitawn in Indonesia a Catholic pawlpi in tami vaiguon lam-et in kigingsa in a um hi.
“Sil thupizaw munalai ding nahi,” (Jn 1:50) chi thupi zang in Asia gamkai sunga Pasian nasepna tungtawn a Lampi hiding leh Lampi siemte hiding ahi. Asai gamkai sunga Siempupite Jakarta ah thungen ding leh Pawlpi tawndante tuoisah kia dingin ang ki suttuo ding uhi.
Indonesia gama Catholic pawlpi dingin tami mamuna hi akitheilou ahisih hi. tan chuan he vision hi hriat loh a ni lo. Khawvel a sakhuo leh tawndan tuomtuom leh nam dang dangt, zat leh nam neujote Indonesian Catholic pawlpi in hun sawtpi unau kipumkhatna ding leh sepkhawmnna te ana nei pieh hi. Tami tawndante peipi in Indonesia in Asia gamkai adinga asep lawching pen te lah a khat ahi.
Zat leh nam tuomtuom toh hing Pawlpi
Indonesia gam hi tuikuolkip gam tampi umna gam ahia, zat leh nam tampi, tuolsung ham leh pau tualeh sakhuo tuomtuom umna mun ahi. Agamsung uah Catholic te hi se 3 aphabep uhi. Mi atamlou ahina bang un pawlpi in Pasian thuhoi thupha hilding khu zat leh nam tuom tualeh sakhuo dangte zatat na toh amau kihonna tunga akoi ahi.
Tami sil tuoh hi kum 1970 a FABC kiphudoh apat a makai mamuna khu chien tah in atalah hi: Tawndan, sakhuo, mipi adieh in agentheite leh zat leh nam neujote toh kikhoukhawmna nei in Asia gamkai ah pawlpi dihtah tundoh ahi.
XII Plenary Assembly in 2022 kum a FABC 50 General Conference naki man a thupi toh kisamkai in “Asia gamkai mikhat hina a khuolzinkhawm” zang in pawlpi achiel a, migentheite, khangnoute, muntuon mite leh khomite aw ngai a leitung liemna himate damsah dingin chielna anei hi.
Leih siem pawlpi hina
FABC mamuna sungah lampi siemtu hiding hi sakhuo dang dangte toh kihoukhawmna a ma sawn ding maimai ahisih hi.
Pawlpi hi asungah thu ngaina, panlahna, dihtah a nasepna, silhoi dawpsangna leh Pasain mite tunga hat tah a kikhalna ahi. Apulang ah pawlpi hi kihoukhawmna, kilemna leh lemna vanzah hiding in chiel ahi.
Gam pumpi ah, Catholic sanginn, zatou inn, tagate etkawlna inn, tehsete tenna inn, leh adang dangte hi Pasian thuphuonna a thugen maimai zanglou a mihing khotuona leh panpi ngaite dinga apanlah nate tungtawn a Pasian na kisem ahi chi kilangsah leh te-chi khat ahi.
Hun lemtang leh hasatnate
Digital lama kikhel danglamna hat tah leh Indonesia gam a khangnou te’n Pasian thuphuon nading leh Pasian Thuhoi Thupha hil nading hun lemtang khat asiem hi. Catholic Khangnoute hi Pasian nasepnate ah panmun pie in kikawmtuona vanzahte tungtawn ajong Thuhoi Thupha athe zah uhi.
Getheina te, mun pemte, mihring kima kijuanate, sum leh pai leh nei leh lam kibahlou nate’n zong pawlpi, civil society leh solkal tualeh sakhuo leh zat leh nam dangdangte toh panlah khawmna apoimaw hi.
Kal suonkhawmna
FABC XII Plenary Assembly ah Indonesia gam a Catholic pawlpi dingin Asia gamkai sunga sakhuo dang dangte toh thu leh laa genkhawmna hun lemtang a siemdoh hi.
Khrist thuchiem, “Sil thupizaw munalai ding nahi,” (Jn 1:50) chi ah gin umtah in Asia gamkaia hattuom dangte toh leitung itding Pasian nasepna a khuolzinkhawm hiding leh kikawmtuona lampi siemte hinadinga ilungsim tuoisah kia dinga chiel ihi..
Indonesia pan in: Asia gamkai sunga tami thu iki vaihah uh ahi: ginna, kinepna leh itna toh peikhawm pawlpi hi tami khawvel danglam ah lemna, dihna leh kipawlkhawmna melchina gin um ang hithei chi ahi.
