I Office uh kipat masang in Baptisma ana umjou tahi chi’n, Cardinal Grech in FABC Plenary Assembly a Bishops te kungah gen hi.
Bishop's, priests, cardinal leh lay-leaders te um masang in gingtu baptisma tang sah ana um hi. Chi'n Cardinal Mario Grech's in July Tarik 24 in Jakarta mun a 12th Plenary Assembly of the Federation of Asian Bishop's Conference (FABC) athugen pan hi.
Tualeh a presentation thulu ah "Pathway for the implementation of the Synod," chia gel in Secretary General of the Synod of Bishop's in hattuom lamkai te kung a office jong hilou, rank jong hilou, baptisma kichi hattuomte hina leh tup le ngim bulpi ahi chi'n gen hi.
Vanda Room of Hotel Mulia, mun a Asian gam mun tuomtuom apat a Bishop te Synodality tungtang a panla dingdan ngai a hing kalsuon te kung a agen hi.
Tualeh chiemnui thutah lom in sil khat I manghil uhi. Eite pen i bawn ua baptisma tang sa ngen ihi uhi chi'n agen hi. Tualeh tami baptisma pen i hinkhuo a ding a foundation stone ahi achi hi.
Tualeh Cardinal Grech in, Synodality ichi pen planning ahiei ahisileh vanzat fepat hing kipan ahisih a hinanleh hattuom Identity masa pen a hing kipan ahi, tua khu pasian mite baptisma tungtawn a kipumkhatna ahi. Achi hi.
Tualeh tami Synodality ichi pen hattuom te'n baptisma tangsa te toh tanvou kibang nei ihi dan uh ang theichien chieng un hing lawhching thei pan ding ahi achi hi.
Pasian apat a hatna ichi te khu baptisma apat hing kipan ahi. Bishop te, priest te, religious te leh mi gin umte'n sepna tuom chiet anei ua, hinanleh a baptisma tang uh kibang ahia tua khu jesu Khrist tungtawn a hat ahi.
Tuazieh in global synod pen Rome khopi a kipan hizolou in leitung pumpi a biehpieh na mun tuomtuom te a kipan hizaw hi achi hi.
Tualeh Synodality in bishop te nasep na asu ngiem tuam sih a hinanleh episcopal lamkai hina pen anasep pi a mipi te toh asuhat zo hi achi hi.
Hattuom umlou in bishop aum sih a, hinanaleh bishop umlou in mipi a um sih hi.
Bishop te pasian nna sepna pen ama uh ngen a decision bawl in asu piching sih a hinanleh pasian deina bang a ginna lam a mi muonhuoi tetoh ang bawlkhawm chieng un hing piching thei pan hi. Tualeh Synodality in bishop te khu local hattuom te a ding a belampu muon huoi ahi achi hi.
Tualeh tami baptisma tungtang a atangkoupi dungzui in FABC plenary Assembly theme toh hing ki zaitawn hi tua khu ahileh local hattuom te zong pasian nasepna lam, Synodal lam leh Asian gam sung a chi leh nam tuomtuom teng khawm te lah a 'bridge builder' tu a hing pang zo thei ahidan tahlang hi.
