FABC Zumpi bakai Theology zum in ‘’Asian Theology ten mipi toh kihouna toh nichin hinkhuo mang hen chi’n tangkou.
FABC 12veina ki pantah a, Cardinal, Bishop, mipil, misiem leh FABC Lamkai tuomtuom ten thugenna neiua, tuana FABC bakai khat ‘Office of Theology Concern’ ki chiten thugenna neina ah, Asia theology jilten classroom sung mai-mai ah laisim lou in, khualzin koikoi in mipi toh kimutuoh leh kihou zing leh Pawlpi hatna leh khantouna kibelap ding ahi chin tasanna thu talat uhi.
FABC office in genna ah ‘’Theology jilten mipi awsuo ngai leh kimu khawmna nei in ding ajieh pawlpi pen nam-tawndan, ham-le-pau tuomtuom nei ahi jiehin tamte toh luongkhawm sah tonlei hoi vah’’. Chin lunggul thu uh phuong hi.
‘’Theology pen classroom mai-mai ah jil talou in, Asia pen namtuom, tawndan tuom ngen ahia, tuate theology jilten thei kawmin nasem leh Pawlpi nasemna tangtah in pei dinga, tuana Pawlpi sung jong khantouna umding in gintatna’’ Pu Bishop Adrianus Sunarko in gen hi.
FABC kiphu kalsie kum 50 hitah ah tuatoh kiton in FABC in Asia theology khat nei in tuotoh mipi aw ngai ding, ham-le-pau jil ding, tawndante uh thei ding poimaw hi chi’n Pu Bishop Adrianus in theisah hi.
Tuabana Asia gamkai Indonesia,India, Japan, Malaysia, Phillipines, South Korea, Sri lanka, Taiwan, Thailand, Vietnam leh Hongkong ten Theology nei chiet ua, amaute’n thu-le-laa kipie tuoh ah, kikom tuoh zing ah semkhawm thei leh hoisah thugen hi.
Theology pen sim leh jil mai-mai hilou in, thungen khom, lungsim khongaina nei khom leh khat leh khat thugen ki ngai Khom nate hing umthei leh Theology jilpen hing piching ding ahi chin Pu Bishop in report piena ah gen kia sawnsawn hi.
FABC 12veina ah thupi ding ‘’Thupizaw sil munalai ding na hi’’-John 1:50 Gospel zangin Jakarta khopi ah ni 20-26 sung daiding ah tuana Cardinal, Bishop, Pawlpi sunga milian, apil asiem te pang in Asia gamkai catholic Pawlpi toh kisai thu leh laa nasatah kikupna nei uhi. Maban sep leh bawl dingte jong genkhawmna nei uhi.
