FABC Palai Delegate-te'n Regional Synodal Collaboration ah "Table Conversations" tungtawn in kizop khawm na suihkhawm uh
Bishops leh delegates te'n Federation of Asian Bishops' Conferences (FABC) Plenary Assembly 12na July 25 ni'n, Asia gam huamtuam a um local Church-te kizopna suhat ding, panpihna suhlat ding leh Synodal mission khat ah pan khawmna ding thu kithukim tah uh hi aki gen hi.
Zingmawng lam ah "Vademecum for Synodality in Asia" bawlna thu aki gen zou nua in, Assembly in Asia gam a huamtuamte'n a nei uh pastoral dinmun leh kisaihna lam ah lunggel aki pe zaw hi.
Session pen Archbishop Bejoy N. D'Cruze, OMI in a Pawlpi a, theological lunggel genna beh hilou in, practical cooperation lam ah zong gamtat dingin delegates te a sawl hi. A kizom in delegates te Central and East Asia, South Asia, leh Southeast Asia chin apat group thum ah kikhen ua, amau region sung ah local Church-te'n a tuah uh hamphatna leh hamsatna thu aki gen uh hi.
Plenary session sangin regional meeting-te ah bishops te'n amau unau region sung ah pastoral, culture leh society lam a kibatna te ngaihtuahkhawm thei ua, kizopna suhatna ding leh kipanpihna lampi tah tah zong sui uh hi.
Group chin in dotna khat mah aki dawn uh hi:
"I region sung local Church-te kizopna bangchi'n i suhat thei ding uh eh? Synodal bridge bangchi'n i lam thei ding uh eh? I mission khat sung ah bangchi'n i kipanpih thei ding uh eh?"
Tam dohna in Assembly thupi "Asia sung ah bridge builder Church hi ding" chi thupi tawh kizui hi. Church sung thu beh ngaihtuah hilou in, dioceses, gam leh culture tuamtuamte kikal ah local Church-te'n khat leh khat bangchi'n a kithuah thei ding uh chi zong aki ngaihtuah hi.
Genkhawmna teng pen Assembly pumpi sung ah kizang Conversation in the Spirit method tawh kizui hi. Kinielna mei hilou in, thumna tawh khat leh khat ngaina, ngaihsutna kikhawmna leh Pasian deihdan sui khawmna (communal discernment) tawh genkhawmna aki neih hi.
Regional group jousie ah moderator khat in thu kigenna a makai hi a, mi tengteng in thu agen theihna ding kibang tahin hun apie hi. Secretary khat in zong discussion teng ngai khawm in atawm in agiel hi. Summary leh discussion notes teng shared online platform khat ah upload hi a, delegates dangte in zong khat leh khat lungsim ngaihdan leh suhdan kawmtheihna dingin kizang hi.
Discussion ah mi khat in thu agen zou chieng in daihna (silence) hun tawmkhat nei hi. Tam daihna pen khawl kawm mai hilou in, a kizah thute tungtawn ah Pasian deihdan ngaituo leh thungetna tawh ngaihsutna hun ahi, tuachieng in mi dang khat in thu agen zel hi.
Tam lampi pen Synod in gintatna bangin, dihtatna leh Pasian deihdan theihna pen masa penin ngaikhiet na pan kipan hi chi a suh lat hi. Mi khat in amah ngaihdan pei sah ding ahi sih a, midangte lungsim leh theisiem na sungah Hagau Siengthou nasepna omdan thei dingin kisin sah uh ahi hi.
Discussion teng region bang bang in kikhenna pen Asia Catholic Church tuamtuamte dinmun kibanglou chi zong a suh lat hi. Central leh East Asia, South Asia, leh Southeast Asia te pen culture, politics, sakhua leh umdan lamah kibanglou mahmah ahi jie in pastoral dinmun zong kibanglou hi.
Region sungah khat leh khat kingaihsah leh kingai khiet kawmna tungtawn in, delegates te in pastoral priority kibangte sui kawm uh a, cooperation tha, khat leh khat panpi na leh missionary nasepna ah kizopna tha bawltheihna lampi zong sui uh hi.
Tam discussion teh in synodality pen theology thu ngaihtuahna matang hilou chi a kilang hi. Delegates te in Synodal Church khat lamzopna dingin innkuan Church khat leh khat kizopna thahat sahna, ki tahsanna (trust), kihoulimna (dialogue), leh mawpuahna kihawm (shared responsibility) tungtawn ah kizopna network bawl kul hi chi thei uh hi.
FABC Plenary Assembly a kizom zel kawm in, regional discussion te in Assembly thupi lian khat zong a thahat sah hi: Asia Catholic Church te in khat leh khat tawh lamzop khawm, khat leh khat apat zil khawm, leh Hagau Siengthou makaihna communion sungah sui uh leh, Asia sungah "bridge-builder" hoih zaw ding uh ahi; amaute tangtang in om mai sangin.
