FABC Office a Biahna nasem ding a kipia miten Asia Gambup a Siemputen Hattuom Pawlpi Kalsuon khawmna   pen sil dangteng sang a angaipoimawh zawh ding ahi.

12th FABC Plenary Assembly of the Federation of Asian Bishops’ Conference ( FABC ) in kum sawmni vingveng kipumpiahtah a akalsuonnate uh kigenkiana anei uhi.

Archbishop Udumala Bala, chairman FABC Office in July 21 Hotel Mulia, Jakarta, a thusunna a thuhilh siete nasepna in Asia Hattuom a kihengna atut thu agen hi.
Archbishop Bala in “ Belam Chinghoipa Jesu Krist min in ang peikhawmte Chibai buh in athugen apan hi.

June 2004 a kiphutkhia , FABC Office apat a Pasian nasemten bishopte akithuahpih dan uh, Asia gambup a siempi suah ding Laisiangthou zilna mun a thu kikup khawmna, ngaihdan dohna, leh kihoulimnate akinei hi. Archbishop Bala in agenna a, siemputen bishopte kithuahpih ua, Asia gambup Pu-le-Pa tawndante theikawm a Hattuom dinkhiat ding, “ Pawlthum kihoukhawmna” azawngte toh, ginna tuomte toh, tualeh tuolsung pu-le-pa tawndan zuite toh kihoutuoh chi hi.

Asia gam Hattuomte khu atawm uh chi ithei a,’ ahin khat injong, kisiamthana atut thei chin ilam en hi. Tuajiehin siemputen thuhilhna lam leh kal suonkhawmna nalam a zungdet ikhoding ahi chin agen hi.

Kum 22 paisa a vaiguonte etkiana akinei a, Hua Hin, Thailand, 2006 a thu kikup khawmna a thugen apatna a Asia kiim leh pam a siempu atamzaw sem angsuohna ding a panlah ding chin agen hi.

Thuhilh siete chouna ang khankhiat dungjui in office injong siempute mimal hasatna atuohte uh akitheipih hi. 2008 a thu kikup khawmna a siempute hasatna etkai ding, tualeh ahina uleh nasep pipen uh theipih ding ahi.

Kum hingpei toujel a, Office in vaiguonte a, siempute sienthouna-zi le ta neilou a aumna uh, siempute piching semna ding leh Pasianthu ahilhnate ua venbitna pia ahi uhi. Covid 19 natpi kipat apat in venbitna aki uangbawl a, pawlpi kalsuon khawmna leh Pasian thu kikup khawmna akitha bawlkia hi. Kum 2022 in Catholic Safeguarding Institute Manila in Siempute kalsuon khawmna ding vaiguon, Pasian thu kikup khawmna 2023 leh 2024 in akinei hi.
Archbishop Bala in agenna a office lam nasepna, Pawlpi kal suon khawmna khu lamhilhtu in apang hi. 2025 in Asia gamkai a Pasian thu kikup khawmna a hattuom makai ten FABC chetna lai 50 tungtawn a akiguol a khantou khom ding leh mailam hun a siemputen ahindan uleh anasepte uh tungtawn a Pawlpi kalsuon khawmna akhantou semna ding a panlah ding thu agen hi.

FABC office a semte ahinkhuo uh a sienthou semna ding, mipi vantang leh innkuon sung asienthouna ding, siamna-pilna zilna mun asienthouna ding, leh Ginna a khantouna ding, bangteng ahiai septheina ding thuneihna kipiahna kalsuon khawmna ahi. Kalsuon khawm a Pasian thulam a khantouna ding, thuhilh siete kipuihuaina, vaiguon tungtawn a khantouna gelkhawmna, kiim leh kiang leh louhing-ganhing tungtawn a, bawltawm pilna leh pu-le-pa tawndan toh kituah a mailam hun a khantouna tup leh ngiimna ahi.  
Siempute nasepna maban a tatsatlou a ahing kizawptou na ding, Pasian thugente leh mipite kilungtuoh tah a apankhawm ding, Asia gamkai a Hattuom ahing kibelap na ding a malatu leh kal suon khawmte ihing hi ding uh ahi chin athugen atawp hi.