FABC Khawmpi ah ‘Synodal Spiritual’ ten Asia gamkai Pawlpi sunga neguh-taguh leh Pasian nasemte hoilou nate genkhawm ding ahi chi uh.
FABC ten Asia gamkai ah catholic Pawlpi sunga neguh-taguh leh Pasian nasemte jong siemhoi dingdan alunggul thu uh FABC kipan ni’n thusuo mite maia gen ua, Asia gamkai ah catholic Pawlpi umna mun jousie ah silhoi bawl dingdan deithu jong gen sawnsawn hi.
Cardinal Pu Pablo David in siempi, siete leh minautang Pasian nasemte’n Pawlpi sunga silhoi sem ah gahhoi suong ding uh deisah thugenna nei a, amaute’n kilungtuoh tah ah Hagau siengthou min suonga kipie dohna Pasian nasepgah hoinou suong heh chin gen hi.
Cardinal David in gen kiana ah siempite’n amate nuoi ah nasemte sang lien jaw in ki gel sih ding uhi ajieh amauni ahileh tuisopna tang chiet ahia, thaneina jong ki bang ah nei ding ahi.
Cardinal David in FABC tup leh ngim ah Pawlpi sung, khotang sunga koimapou in panlaha neguh-taguh subei ding ahi chin phuong hi.
Asia gam ah corruption etna ki nei ah gam jousie ah neguh na ki sim ah gam 31 lah in gam 21 neguh-taguh hat in pang chin talat hi. Tuana neguh hatna ah India, Bangladesh leh Indonesiate jong pang uhi.
FABC Khawmpi ah Pawlpi sunga neguh-taguh, subei ah pasian nasep nalam ah tha leh hoi sem dingin kisingsah ding deisana phuong ah tuana jong tamte sep leh bawl dingdan lampi hing siem ding hitah ah sawtlou in Asia gamkai catholic Pawlpi umna mun jousie ah sep kipan ding hi chin theisahna nei hi.
