FABC Delegates ten a Asian gam a Synodality tungtawn a pasian nasepna lam a panlah ding dan enkhawm.
Synodality tungtawn a Theological reflection hun zat zou in bishop leh delegates ten July 25 ni in 12th Plenary Assembly of the Federation of Asian Bishop's Conference (FABC) mun a phase tha khat a lut tou uhi.
Tuachin assembly a ding a poimo mama sil khat bawl khie uhi. Tuapen ahileh Asian gam a Synodality te a ding in handbook khat bawl khie uhi. Tami handbook pen ahileh local hattuom te mailam a Synod on Synodality' mission a ding a guide book hoitah khat hiding in lam en uhi.
Tualeh presiding officer Archbishop Bejoy N. D'Cruze of Dhaka, Bangladesh in i assembly tungtawn ua Cardinal Mario Grech, Secretary General of the Synod leh Fr Giacomo Costa SJ in point khat chieng tah in ana gen ua tuapen khu Synodal hattuom pen eima mimal kikhel masah na hi ah kipan ahi, chin gen belap hi.
Tualeh Cardinal Grech's in Synodality pen a structure te maimai hilou ah khotang sung a mipi ten a pasian neina uh hinkhuo ua mu khiet thei hizo ding ahi cia ana gen pen Archbishop in dih asadan te pulah a, tualeh pasian pen ittna ahia tualeh kituohna leh lemna te zong hagau siengthou nasepna ahi achi hi.
Tualeh hagau siengthou in Asian hattuom te kung a agen ding a agingtat te uh chi in leh khie ua tuateh ahileh pasian nasepna pen Asian gam a pasian mite kung ah guide book tungtawn a biehinn ten kituoh na te, zainemna teleh pasian thu puongzah zo sem a panlah thei na ding te ahi chin leh khie uhi.
Tualeh tami process pen organizer ten "Emmaus experience" cia a gen pen uhtoh hing kipan khie hi. Tuapen ahileh Jesu Khrist thawkia na tungtawn a ahinkhuo a kikhel na tua te tungtawn a pasian mite agen na ahi.
Tualeh assembly pen hagau lam a kikhe na ding ahi cia gen Dr Christina kheng in minutes 15 sung sip dingdeng ah tami table conversation nei na te gel ding in mipi peikhawm te chielna nei a, tualeh delegates te kung a sil poimo asah khat uh table conversation kipan masang a share khe ding in zong chielna bawl hi
Session masa pen bang a local hattuom te apat mimal sharing ngaikhiet na te hijo lou a tutung discussion a hahsatna ki bang mimal in atuate leh Asian gamsung a hattuom a pasian nasem te sil tuoh te genkhom zo uhi.
Tualeh tami hun a tami Vademecum guide book sung a bang chi bang guidance leh themes local hattuom ten ahinkhuo a zat thei ding te uh ikoi ding uoi chi te kikum zoh hi.
Tualeh organizer ten tami Vademecum pen vanzat poimotah athu maimai hilou a hinkhuo a zat theiding leh local hattuom a Synodality deina bang a hinkhuo lampi koh mu tu hithei ding in gen hi.
Tualeh tami presentation pen a thu a beisa mai lou a kihoukhomna table te apat bawlding a poimo asa te uh gel khie in submit chiet uhi. Tualeh tami document agel te uh pen apoimo bang a Vademecum guidebook a hap lut ding ahidan tahlang uhi.
Tualeh tami discussion kipat Tung in thumna te, sip dingdeng a lunggel na te leh mani ki etchien na tetoh kipan in tuachin tami Assembly lawching mahmah ahi dan tahlang ah, tualeh Synodality ichi pen documents te a gel khiet maimai hilou a hagau siengthou thugen te ngaikhie a ihinkhuo a sil sie leh pha te khentel siemna leh Asian gam buppi a a hattuom te mission dinpi zing ding khu ahi chi'n talang hi.
