Federation of Asian Bishops' Conferences (FABC) in July 26 ni’n Plenary Assembly vawi a 12 veina khu atawpta a, Asia mipite kunga vaihah na toh vaiguon atawp a, Asia gamkai sung huop a Pawlpi khu kikhenna, kigiinna leh likhel lamdangna hat tah umna ah "Leo leh leidawte” hi dingin synodal khuolzin khawmna thuuh jo siem dingin chielna anei hi.
Tami thupi "Sil thupi jo namu ding hi" (John 1:50) chi ahi a, Archbishop Gilbert Armea Garcera in Jakarta a Cathedral of Our Lady of the Assumption a Eucharistic lawpna khahna atawp lamah asim hi. Assembly member thakhel in Goa Archbishop leh Daman leh FABC president Cardinal Filipe Neri Ferrão in suoi akai hi.
Nathanael kunga Jesu thugen, "Sil thupi jo namu ding hi" chi apan a kihantawhna la in, Bishopte’n tami kikhawpna in ahing tel te jauna leh chinlanate pan in Pathian gam et thana lam ah apui hi chi’n agen uhi.
Bishopte’n a thunget, ngaikhirt, hunsip leh hagau a kihouna anei nite uh ngaituo in, Asia gam a Pawlpi khu synodal pienthana pei zel zanga gamkai sunga hindan, sakhuo leh khotang hindan tuom tuom tah tah te pawm a, lampi siem dinga hat ahi thu agen uhi.
Tam silte hi daltu banga ngailou in, bishopte’n zilna, sakhuo tuom tuom kihoukhawmna, mikhuol vaidawtna, sil siem ngaisahna, leh mihing kizana leh kipumkhatna lama kipiehna det jo zanga missionary te-chi tha nei theina hun lemtang banga ngai jo dingin agen uhi.
Bishopte’n siempi na hi Pawlpi sunga kipawlna, panlahna leh mawphuohna, kizawpkhawmna hatsah loupen khu asung lama hasatna pei zel ahi thu apawm hi. Ngaikhiet, theisiemna kihawmna leh suoh lamkai hina zanga melchi pastoral leh synodal peipi zel dingin angen uhi.
Tua mamuna khu palaite’n Jakarta a Tunnel of Friendship avena un ahatsah a, tuami’n Cathedral of Our Lady of the Assumption leh Istiqlal Mosque a azawpmat ahi. Bishopte’n tam asil tuoh uhi ginna in Khristiente khu "daltu hi lou in lampi siem dingin" a chiel chi kitheisah kiana khautah ahi chi’n agen uhi.
Tami thu hi Pope Leo XIV in Pawlpi in Asia gamkai a Pasian na asepnate a alawchinna dinga Asia gamkai a nam, hindan leh sakhuo tuom tuomte khotang hindan leh sakhuo tuom tuomte kikal a kipawlkhawmna angetna toh akizawp mat hi.
Assembly tawp in, Bishopte’n a tuolsung Pawlpi khu missionary synodal Pawlpi a kile a, ngaikhietna thuuh tah nei, gamgi pel, mi genthei leh hasajote toh zawhkhawm, ecological conversion pungsah, leh thutah, dihna, lemna leh kipumkhatna jousie ginna leh hindan/tawndan dang mite toh sepkhawm, missionary synodal Pawlpi banga kile dingin a chiem uhi. Tami mission hi Asia Nu Mari thungetna ngen a kilan ahi, Khrista, "Lei hing" khu nam jousie dinga kilemna leh kinepna siem dingin thu angen uhi.
