Tutung Olympics Kiapmaina kihonna ah (Opening Ceremony), sil lamdang khat apieng hi. Olympics Kiapmaina akihon chiengin etnop lamzotna tuomtuom akinei hi. Tutunga mipi maia lam ang zuon khat ahileh Drag Queen te zong ahing pang ua, zumhuoina khat alah uhi. Topa Jesu leh nuazui 12te'n annzalui nukhia aneina uh atut uhi. Topa Jesu touna munah Pasal numei suoh khat atou a, lukhu lamdang khat akhu hi. Aziet avei a tou nuazui kipangte zong pasal numei suoh ngen ahi uhi. Hichi'n Annzalui nukhia (The Last Supper) anuisan uhi.
Tami kiapmaina kuol manjou in leitung pumpia Khristian Pawlpite alungthah mama uhi. Biehna pawlpi lamkaite alungkimmaw mama ua, meihui tongsan (Social Media) tungtawn ah alungkimlouna uh aphuong uhi.
France Gam hi masang lai'n Katholik gam ana hi a, misiengthou tamtah nakhanletna ahi, agente na in Joan of Arc, St. Francis De Sales, St. Martin of Toures, St. Vincent De Paul leh misiengthou adang dang zong France gam a na khanglien uh ahi. Tua tham lou in misiengthou Bernadette Soubiru kungah Tonu Mary ana kilah hi. Tua mun khu Lourdes akichi hi. Tu le tu in France gam mite pen Pasian awilou gam asuoh ta uhi. Tua zieh a tambanga Olympics kihonna a tambang siol gilou pieng ahi.
Topa Jesu thugente atangtung lam in awm.
#rvazoservice #rvapastoralcare
