Bhubaneswar, February 1, 2025: The Conference of Catholic Bishops of India (CCBI) in the Altar Edition of the third edition of the Roman Missal English ham in India gam a zah dingin a release ta hi. Tami hi CCBI President leh Goa Archbishop His Eminence Cardinal Filipe Neri Ferrão in XIM University, Bhubaneswar a 36th Plenary Assembly vai kiman na a honna anei ahi.
CCBI in tami masangin 2010 kum in Altar Edition of the Roman Missal ana publish a tualeh 2015 kum in Holy See in ana pawm pieh hi. Roman Missal ban ah laibu dangdang jong honna akinei a tua te lah ah Mr. Michael Peria in agiel “Chanting the Responsorial Psalms”, Bishop Arulselvam Rayappan of Salem in agiel “Synodality in the Law and Life of the Church” te jong atel hi.
CCBI Plenary Assembly ni 5 ni’n Archbishop John Barwa, S.V.D., of Cuttack-Bhubaneswar siempupi hina toh Mass Siengthou latna anei a siempu dangte ahileh Bishops of Odisha: Bishop Varghese Thottamkara of Balasore, Bishop Sarat Chandra Nayak of Berhampur, Bishop Kishore Kumar Kujur of Rourkela, Bishop Niranjan Sualsingh of Sambalpur and Bishop Aplinar Senapati of Rayagada te ahi uhi.
Hunpi thugenna ah Archbishop Barwa in ginna detsah dingin Odisha pawlpi mite adieh in Kandhamal mite chielna anei hi. Tualeh tami munte a pawlpi pan lahna te leh nasepte tunga akipahna thu jong agen hi.
Latna siengthou kinei jou in Archbishop Thomas D’Souza of Calcutta makaina toh Regional Bishopte report piehna vai akimang a tami tungtang ah kikupna jong anei uhi.
Translated By William Zo
