Cardinal Poola in Asia Bishop te kunga: A dih tah lamkai hina pen thuneinah hilou in, nasepna ahi chin gen.

Bishop pen zahna leh thuneina sui ding hilou in, Pasien mite nunnemna leh kithoina a sem ding ahi chin Cardinal Anthony Poola in gen hi.Jakarta khua ah Federation of Asian Bishops' Conferences (FABC) Plenary Assembly a 12-na ah bishop te kiangah thu genna ah, Cardinal Anthony Poola in bishop pen zahna leh thuneina sui ding hilou in, Pasien mite nunnemna leh kipie doh ngam na toh sem ding ahi, chi'n a gen hi.

St. James Sawltah ni lawmna Mass, July 25 ni ah thu a genna ah, India Catholic Bishops' Conference President ahi Cardinal Poola in Asia pumpi Pawlpi te chu khawvel in thuneina leh min thanna a ngaihsut dan sang in, Khrist in amah a kipia itna leh ki pie doh ngamna a bulphuh Pawlpi neih dingin a chiel hi.

"Sawltah hina pen touna ding khat hilou in, dawn ding nou (cup) khat ahi. Mitmu thei dinmun sang in, Kithoina joh na ah pan lah ding ahi zaw hi," chi'n Cardinal Poola in a gen hi.

Jesu'n, "Kei ka dawn ding nou pen na dawn ngam ei?" a achi thu pen a lah ah, Pawlpi makai diktah pen kithoina leh nasepna toh kikhen theilou ahi, chi'n bishop te a theisah hi.

Khrist in, "Na la ua a lian nuam pen na suah in pang  hen," a chi thu chu a lah ah, bishop te thuneina pen thununnemna toh zat ahi tualeh Gospel tawh kituah tahtag ahi, chi'n Cardinal Poola in a gen hi.

Pope Francis thuhilna pen a lah ah, thuneina pen sepna (service) khat ahi. Bishop khat pen Pawlpi makai mai hilou in, Pasien mite tawh ki nai tah in um ding ahi, chi'n a gen hi. Evangelii Gaudium a lah ah, Pawlpi pen pawtkhia ding, mite tawh kalsuonkhawm ding, ga suang ding leh kipah na toh Gospel puang ding ahi, chi'n a gen hi.

"Asia Pawlpi adingin kitel pen gamla a vaihawmna hilou in missionary nai umna ahi; amah beh ngaihsut kivaihwmna hilou in pastoral conversion ahi," chi'n a gen hi.

A gen dan in, tam thuhilna hi Asia Pawlpi te adingin a pawimawh mama hi. Asia gam tampi ah Catholic te chu sakhua dangte lah ah tawm nou khat ahi ua. Gnetheina, gamdang ah pemna (migration), sum-le-pai kibanglouna, politics buaina, lei leh van kepbitna, leh khangthahte buaina bangte tawh kimaituoh zing ahi ua. Tam dinmun sungah bishop te pen Khrist bangin thununnemna, nasepna leh kithoina toh Pasien mite na sem ding ahi, chi'n Cardinal Poola in a gen hi.

“Pawlpi in Khrist phuong zahna pen thuneina tawh hilou in, kingainiemna nasepna, tah tah kihoulimna, hangsan theihpihna leh hehpihna tawh omkhawmna tungtawn ah ahi zaw hi,” chi'n ama'n gen hi.

St. Paul in Korinth mite kungah alai ha ani ani na a thugenna ah, Cardinal Poola in bishop te pen “lei bel (earthen vessels)” bangin, Lungdamthu manpha pen kipiahna belte ahi uh ci'n gen hi.

“Bishop khat pen amah lei bel (Earthen Vessels)ahi chia  kilep ding hilou hi. Amah pen amah hatlouna apat Lungdamthu manpha in vahna hong kilang sah dingin  ahi zaw hi,” chin ama'n gen hi.

Amah in a gen bangin, mihing hatlouna pen Pasian hepihna leh a thahatna kilatna mun ahi. Tam thu in bishop te kunga amau nasepna pen amau thahatna tungah um hilou in, Topa thahatna tungah um ahi chi theisah hi.

Cardinal Poola in tam thu pen Khawmpi synodal lampi tawh kizop sah in, synodality pen Khawmpi in Hagau Siangthou aw ngainat zaw semsem leh Pasian mite tawh chitah in lampi khat a zui theihna dingin lungsim kikhelna tawntung ahi chi gen hi.

A thugenna tawpna ah bishop te kiunga tami thumte ngai pawimawh dingin hanthawn hi. Mizong gentheite leh gamtatte thuahna ah a ki hal jel ding, Kingainiem tah in Lungdamthu phuong zah ding, sakhua dangte leh a mijong te tawh kihoulimna tungtawn ah kizop mat na (bridge-builder) suah ding.