Cardinal Gracias in FABC vaiguon honna sai ding. kituah tah a kalsuan khom napen hattuom te ading a leitung a silpeih lien pen ahi.

Cardinal Oswald Gracias, papal envoy of Pope Leo XIV, in a 12 veina Plenary Assembly of the Federation of Asian Bishops' Conferences (FABC) July tarik 12 in ana hong a tuanah aman kituah tah a kalsuan khom napen hattuom te ading a leitung a silpeih lien pen ahi achi a, tualeh Asia gamsung a hattuom um te ki hou khom jing ah lemna leh kituahna te i bawl jing ding uh ahi achi hi.

Tualeh tami pawi vaiguon hongna hing saisah Cardina Gracia in jingkal lam nai 9:00am in Ballrooms 2 and 3 of Hotel Mulia Jakarta, mun ah Hattuom te mohpuana pen mipi te kaikhom ding, kituahna siem ding leh lemna van jat a pang ding ahi dan agen hi.

A sermon na te a ana tangkou pi mun pen ahileh “ei hattuom te pen i mohpuanna uh ahileh lei siem tu ding te ihi uhi”, tualeh “tuami ki tuahna lei bawl ding a hat khiet te ihi uhi ”achi hi.

Tualeh mipi te pasien phat khomna hun in Indonesia leh Asian gamsung mun tuomtuom apat in tawndan tuomtuom leh jat tuomtuom te pasian phat a kilungtuoh tah a hunjang te mu thei in aum hi.

Tualeh dokan sang lam Hong Kong a hing kipan Pu Cardinal Stephen Chow Sau-yan leh Timor-Leste apat Pu Cardinal Virgilio do Carmo da Silva ten jong pu Cardinal Gracias pasien biehna mun te a va ki hal thei uhi. Tualeh tami assembly hun in cardinals, bishops, priests leh religion zakhat val te mu thei in um ah, tualeh Asia sung apat lamkai tuom2 te jong va tel thei uhi.

Tualeh vaiguon kipat ding kuon in Indonesia's North Sumatra province apat Nias, Batak, leh Minangkabau Nam te apat nupi papi traditional puan a kijem ten kotlam a bishops teleh lamkai tuomtuom te ana vaidawn uh muthei in um ah, Tam te’n Indonesia te nam nam hausa ahidan leh jin bawl siem ahidan te uh jong muthei in um hi.

Mi ginum te thumna in Asia gam te ki tuah dan a ensah a tualeh Javanese ham, Mentawai ham, Mandarin Chinese ham, Borneo apat Benawas Dayak ham, leh East Nusa Tenggara apat Sumbanese ham apat lai poimo te apuang khie uhi. Tami ham tuomtuom kipolkhom na te in hattuom kithu tuoh dan a ensah mahmah hi.

Tami pawi a chi tuom na mahmah khat ahileh misiengthou pa’n asia gam a numei pasal te min jang a tawp lou a sotpi thungetna ahi. Tualeh asian gam sung hau sat dante etsah na kom in China, India, Japan, Korea, Malaysia, the Philippines, Sri Lanka, Hong Kong, Thailand, Myanmar, Kazakhstan, Indonesia, Laos, and Afghanistan apat misiengthou te jang in tami assembly a aki thumpi tuoh chiet uhi.

Cardinal Gracias in athugen na a FABC te ki pawlkhawm na pen amin maimai ah beisah mailou ah Asia gamsung a hattuom um ten kimu tha naleh pasian thu a ki siemtha na hing jang joh ding jong gen hi.

Kum 50 val bang FABC vaiguon ana ki jang jing nanleh Covid-19 pandemic pen ei hattuom te a ding a gel tham ching mahmah ahi achi hi. Tami gam buaina in hing tuom khum nanleh ei Asia hattuom te pen tahsa leh hagau a ki pangkhom jing thei ahi chi jong muthei in um hi, achi hi.

Cardinal in agen gel na ah, gaal leh huham tah a kitha na te pen tulai tah ei mihing te a ding ah thua ham sah mahmah khat ahia, tualeh pu Pope Francis leitung buai tungtang agen na ah “Galpi thumna pen awlawl a hing ki pan ahita hi” achi pen pho khiet in um mahmah hi achi hi.

Tualeh agen beh lap na a Khotang leh hattuom te kal suankhom thei na pen silpeih lien pen2 ahi achi hi. Tualeh tami pen ei Asian mi te tawndan khat jong ahia, ki jatat tuohna khat jong ahi achi hi. Tualeh I thugen te uh ki ngai khiet sah tuoh chiet, panlah khom chiet, kikup kho chiet leh lungsim kihong chiet ulei iki vaipuoh dan te ahing hoi ding ah tuahileh nehguh na te I gamsung a hing tawm mahmah ding hi chin abehlap hi.

Tualeh atawp na ding in Cardinal Gracias in lamkai hing peikhawm te kung ah kituahna leh lemna te asia continent a um thei na ding in sil thatha ahisihleh idea chi tuomtom te kho khe chiet ding in ahan thawn hi.

“Pasian in FABC guolzawl hen. Pasian in Asia gam guolzawl hen” achi hi.