Asia gamkai a siempupite’n Jakarta a 12th FABC Plenary Assembly ah mailam hun a pawlpi nasep ding theichien ding

A 12 vei nadinga Federation of Asian Bishops’ Conferences (FABC) kipawlkhawmna July 20–26 sungin Indonesia khopi Jakarta ah man ahidinga, tami hun sungah mi 120 val ang tel dinga, Asia gam tuom tuomte pan in siempupite, siempupi thalhengte, Vatican official te, FABC office a secretary te, theologian te, leh Asia gam a mailam hun a pawlpi nasep ding theichien dingin pastoral expert-te ang tel ding uhi.

Hotel Mulia Senayan ah Archdiocese of Jakarta vaisaina toh kal khat sung akimang dinga tualeh “Pasian nasepna tungtawn a Lampi hiding leh Lampi siemte hiding” chi thupi "You Will See Greater Things" (John 1:50) toh kisamkai in akizang ding hi.

July 21 ni’n tami vaiguon hon ahidinga, Eucharistic Mass siengthou latna hi India tumlam Bombay Archbishop Emeritus Cardinal Oswald Gracias in amapui ding hi. July 22 Cardinal Luis Antonio Tagle, Pro-Prefect of the Dicastery for Evangelization makai na toh ni’n ni khat sung thungetna leh lungsim khongaina hun akimang ding hi.

Tuajou chiengin Asia gama social leh geopolitical realities danglam zel tungtangah presentation leh kihoukhawmna aki nei ding hi. Keynote session ah khawvel danglam zel kal ah pawlpi kipumkhatna a te-chi te, Asia gam dinmun danglam zel te, leh lampi siemte hina dinga pan lahding dante detsah leh zil chienna akinei ding hi. Tami huna hing telte’n table a kihouna te, regional discussion te, leh synodal lamkai hina te, pastoral practice te, leh tuolsung pawlpi tuom tuomte toh sepkhawm ding tungtang ah panel session anei nalai ding uhi.

July 25 ni chiengin Pope Leo XIV pan a thu hah ngaina akinei ding hi.

Assembly hi July 26 ni’n Jakarta a Cathedral of Our Lady of the Assumption ah hun kha na Eucharist Mass siengthou toh atawp dinga tualeh Indonesia in sakhuo tuom tuomte toh kilemna umna dinga akipiehna melchina Friendship Tunnel zawt phei in agei a um Istiqlal Mosque vena anei ding uhi.

Assembly um ding tungtang ngaituo in Fr. FABC Office of Social Communication Executive Secretary John Mi Shen in tami kikhawpna hi "Pawlpi kikhawpna mai Sangin athupi jo hi " chi’n agen hi.

"Asia gamkaia pawlpi tuom tuomte dingin tami hun hi  khat leh khat kihoutuo a, semkhawm in pawlpi nasepna a ipan lahna te uh khausah vai tualeh iki piehkhietnate uh atha in tuoisah kia vai,” achi hi. "Kikhoukhawm nate tungtawn a Pasian na isepnate uleh kinepna toh ikhuolzinna un Asia gamkai sunga Catholic pawlpite tunga asuon nadingin pan ila tha kia ua kal isuon khawm uhi.

Radio Veritas Asia (RVA) a Program Director Fr. Mi Shen in Archdiocese of Jakarta leh Catholic Bishops’ Conference of Indonesia (KWI) a communications team te toh semkhawm in Plenary Assembly a media coverage a enkawl ding a, tualeh tami Assembly ngaihtuona leh a thu leh laate  Asia gam pumpi thei dingin athezaah ding hi.

Pakistan Catholic Bishops’ Conference President Bishop Samson Shukardin in tami khawmpi in Asia gamkai sunga Pasian nasepna tungtawn a lampi dihtah nei ding akinep thu agen hi.

"Adieh in, inter-conference support network hat jo, khangnoute leh lamkaite masawn nadinga regional programme te leh khawvel puma mihing dihna leh sakhuo zalenna, Asia gamkai a Catholic pawlpite thawm gin, siengthou tah a mipi kizawpkhawm mu ding ka kinem hi," a chi hi