Archdiocese of Jakarta: Kipawlkhawmna lampi siem Pawlpi Asia gamkai a Muslim tamna pen gam ah

Jakarta a July 20–26, 2026 sunga Federation of Asian Bishops’ Conferences (FABC) Twelfth Plenary Assembly hing umding ah, Archdiocese of Jakarta khu Asia gam a Pawlpi nasep, inhoukhawmna, kipawlna leh lampi siemna ah theipitu pawimawh tah ahi.

Kum zabi ni suan zen Archdiocese hi colonial hunlaia missionary gam neukhat akipan in tuolsung Pawlpi hing a khanglien ahi, kihoukhawmna, Pasian naspna leh kipumkhatna zangin Thuhoi Thupha phuong zah dinga kipie ahi.

Archdiocese khangthu hi May 8, 1807 kum in anakipan hi a, Pope Pius VII in Dutch East Indies a Catholic khotang Pasian nasep nadinga Apostolic Prefecture of Batavia aphut khie a. Pawlpi ahing khang sem sem a Holy See in April 3, 1841 kum in Batavia khu Apostolic Vicariate ah a tawisang a, tami missionary center akipat in apostolic prefecture leh vicariate tam tah akiphut khie hi, a tawpna’h Indonesia gam pumpi diocese ahing hita hi.

Religious congregations, adieh in Jesuit te’n tami pawlpi khantouna tungah pan nasa tah in ana la hi. Tuni tan in Pawlpi nasep zawm nalai in sanginn, zatou inn, seminary, leh charitable institution te hong in asem nalai uhi.

Indonesia in zalenna anga nua in tuolsung Pawlpi’n hun tha ah alut ta hi. Kum 1950 in Batavia a Apostolic Vicariate khu Apostolic Vicariate of Djakarta chi’n akikhel a, tami’n agam hina tha uh akilang sah hi. January 3, 1961 kum in Pope John XXIII in suffragan sees adingin Dioceses of Bandung and Bogor zangin Metropolitan Archdiocese of Jakarta ah ana tawisang hi. Tami’n Indonesia a tuolsung lamkai hoi tahtah te hing kibe na toh Pawlpi piching tah ahing suo ta hi.

Kum tampi tah sung Archdiocese hi pastor thupi tah tah te’n ana lamkaih a, tuate lah ah Archbishop Adrianus Djajasepoetra, SJ, Jakarta a Indonesian Archbishop masa pen; Archbishop Leo Soekoto, SJ; Cardinal Julius Darmaatmadja, SJ; leh Cardinal Ignatius Suharyo Hardjoatmodjo, tua archbishop panmun luo nala tea hi uhi. Amaute mapuina neiah Archdiocese in pastoral renewal, social engagement, leh ginna leh tawndan tuomtuom mite toh kihoukhawmna neina lampi ah akipieh na uh ahatsa mama hi.

Khovel a sakhuo leh nunphung tuom tuom tenna, Archdiocese of Jakarta in kihoukhawmna khu a nasepna dinga sil poimaw tah in akoi hi. Second Vatican Council leh Federation of Asian Bishops’ Conferences (FABC) mamuna pan in kitawsawn thakia in Archdiocese in sakhuo, nam leh khotang hindan sumang lou in mi jousie panmun zangin Pasian Thuhoi Thupha aphuong khie hi.

Tami kipieh khietna  hi zilna, damtheina, khotang nasepna, mihing puina, leh khotang masawnna lama nasepna lien tah neina ah alang chien hi.

Tami Archdiocese khovel pum a mipi in Pope Francis in Indonesia a Apostolic Journey a nei lai in ang thei chien uhi. Istiqlal Mosque ah Pope Francis in Muslim lamkaite toh Joint Declaration of Istiqlal 2024 ah suoi ana kai hi, lemna, unau kipumkhatna leh itenna munpi uh ileitung enkawl dinga sakho dangte toh mophuohna kihom khu a namdet kia hi. Tami hun in Jakarta khu Asia gam a sakhuo tuom tuomte kihoukhawmna hoi khat et-te thei ahi thu a tahlang hi.

Tuni’n Archdiocese of Jakarta in siempi tamtah, sakho lam a unaunu leh unaupa za tampi, leh lay lamkai kipekhe tah tah mitampi Pasian nasepna tungtawn in Jakarta, Bekasi leh Tangerang gam pumah parish tampi lah ah Pasian nasepna anei hi. Synodality hagau mapuina neiah Archdiocese in mi genthei, mineia umte leh panpi ngaite kunga atuntheina ahatsah a toh kiton in mi jousie pan nasatah a ladingin chielna anei nalai hi.

Tambanga hun sottah pluralistic society sunga Thuhoi Thupha toh ahina toh kitawn in Jakarta hi July 20–26 sunga hing umding Twelfth Plenary Assembly of the Federation of Asian Bishops’ Conferences (FABC) kibawl nadinga mun kilawmpen khat ahing hi ahi. “Pasian nasepna tungtawn a Lampi hiding leh Lampi siemte hiding” chi thupi zangin tami kikhawppi na ah Pawlpi bang chibang in kihoukhawmna, kipawlna, kinepna piengsah ahithei dingdan tami zat leh nam tamna gam ah ngaituona pipen ahi ding hi.

Indonesia gam a chi leh nam tuom tuomte lungtang ah Jakarta Archdiocese in Pasian Thuhoi Thupha khu kihawnna, sepkhawmna leh itna zang a phuon nuom ahidan muthei ahi nalai hi.