'AI zieh in ki lunggim sah sih va ui,' chin FABC Vice President in Final Assembly Press Conference mun a gen hi.
Artificial intelligence ichi pen lau bawl ding hizo lou a, i mission a ding a vanjat phatuom khat a zat zoh ding ahi, chi'n Cardinal Pablo Virgilio David, Vice president of the Federation of Asian Bishop's Conference in closing press conference of the 12th FABC plenary Assembly, Jakarta mun a gen hi.
Tuapen July 26 ni a Pastoral center of the Cathedral of our Lady of the Assumption, Indonesia capital mun a Cardinal in Journalist te dotna a dawngna mun a gen hi.
Tualeh tami mun a Fr Clarence Devadas, Associate Secretary General of the FABC and executive secretary of its office for Synodality leh Bishop Antonuis Subianto Bunjamin President of the Catholic Bishop's Conference of Indonesia te zong kihal uhi.
Dotna ki bawlna mun a Cardinal David in AI tungtawn a kithuzah tuohna leh Asian gam buppi a pasian thugen thei na ding lampi lienpi honga, tualeh apoimo bangbang in ham leh pau tuomtuom a zong translate thei ahidan gen hi.
AI pen super intelligent student bang a gel ding ahi, aziehpen thuleh la ikoi lut poupou ahoizo sem in hing pot thei zel hi achi hi. Tuaziehin tami technological lam a khangtou na pen ei mihing te pilna leh khensiemna a kinga ahi achi hi.
Tualeh nidang a calculator hing um Tung lai in tam ten mihing te mathematics lam a chau sah ding in na gel nanleh, gel bang lou in tami mathematics te level sang zo hing tun zo hi achi hi.
Tuachi mabang in eiten zong AI pen mo pong lautho mailou a, hinanleh i nasepna, i siemzilna leh i pangkhom na te ua eite bang chin hing panpi thei zo diei chi te igel ding uh ahi achi hi.
Tambang a athu gen te FABC assembly theme khovel khangtou dungzui a eite zong pasianthu a ki bulphu zing ding ahidan te tahlang khie hi.
Tualeh ei mihing te pen machine te sang in ki pil zo tham ahi, aziehpen AI prompt te hoi tah a zat thei na ding in mihing te pilna poimo masa ahidan tahlang a, tuaziehin lauthawng mai lou in azat dan siem zo va ui chin hanthawn na bawl hi.
