Pope Leo XIV in Archbishop Filippo Iannone, Prefect of the Dicastery for Bishops dinin tel

Pope Leo XIV has appointed Archbishop Filippo Iannone, O. Carm., Prefect of the Dicastery for Bishops tha dingin atel hi, tualeh aman leitung bup a bishop kitel nadingin Pu Pope akithuopi ding hi.

Tu-leh-tu’n Archbishop Iannone hi Prefect of the Dicastery of Legislative Texts panmun luo ahi.

September 26 nia Holy See Press Office in a thusuo na ah Archbishop Iannone in a panmun tha October 15, 2025 nia pan in aluo tading hi chi thuphuon ana nei hi.

Bishop tha kitel ding chiengin Dicastery for Bishops in bishop a tel ding kilawmte suichienna leh ettupna anei a Pope kungah min pie in Pope leh local church te a pawlpi lamkaina toh bishop tha akitel hi.

Tami Dicastery injong bishopte ministry a entup a tualeh diocese sunga kivaipuo dingdan dante asiem hi. Tuaban ah Pontifical Commission for Latin America dinga president panmun jong aluo a Latin America a pawlpi leh Holy See kipawlkhawm nate ah panmun lien tah anei hi.

Kum 67 a upa Archbishop Iannone in Cardinal Robert Prevost tha khel in a panmun tha aluo tading hi. Cardinal Robert Prevost in kum 2023 apat in tukum Pope Francis shi tan tami Dicastery ah lamkai ana tu hi. Carmelite siempu, jurist leh canon lawyer Archbishop Iannone in apil asiem nate pawlpi kivaipuo nading leh canon law dante toh pawlpi vaihawmna ang tut ding hi.

Vatican sungah jong panmun tuomtuom ana luo a, Supreme Tribunal of the Apostolic Signatura, the Congregation for Institutes of Consecrated Life, tualeh 2018 kum a pat a president panmun ana luo Pontifical Council for Legislative Texts ahi.

Translated by: William Zo