Patrick Lal Zou siempi suona Assumption Munpi ah thupitah in ki lawm.
Apeisa date 7 January 2025 ni'n Assumption Parish , Kholian ah Father Patrick Lal Zou in siempu hina Pu Archbishop Linus Neli khut pansa in nga ah. Tuana Pu Archbishop Linus Neli in Siempu 38 vaya toh Latna Siengthou nei khawm uhi.
Tam vaiguon sunga Siempu 38 , Nganu siengthou 20, Sie 10 leh mun tuomtuom apat mipi hingpei khu 2000 val vaya tam vaiguon a pang uhi.
Tam vaiguon ni 2 ki mang ah, tuana Sieltal 2 leh bawng 4 ki gaw hi .
Topa Patrick Lal siempi suo toh ki ton in Diocese of Imphal ah siempu 135 phata ah tuana siempu 13 in hing mualliem san ah, 13 in diocese nuasie in leitung bup gam tuomtuom ah naa asem tah uhi.. Tu-le-tu in diocese of Imphal ah tote 109 aum hi .
Patrick Lal toh gawm in Kuki-Zo te'n tote 24 um neitah uhi chin Topa Mark Aimeng in mipi kung phuongna nei hi..
Zou/Zo sunga dingin siempu 7 na ahi a, Topa Mark Pau in nuakum in eina mualliem santah jiehin tun Zou/Zo siempu 6 ah um hi.
