July 22 a Federation of Asian Bishops’ Conferences (FABC) a 12th Plenary Assembly a adinga Cardinal Luis Antonio Tagle mapuina a ni khat retreat khu hagau lam kikhawmpna ahina ban ah, Hagau a kihouna (Conversation in the Spirit) chia theih synodal practice danglam tah ah thungetna zanga ngaikhietna, siptah leh theisiemna tawh peipi ahi.
Hagau a kihouna hi FABC Commission for Synodality member Dr. Christina Kheng in amapui a, tami peidan hi kihouna hun leh kidehna hun hilou in kipawlkhawmna thungetna hun ahi chi’n agen hi.
Hun kipat apat in siptah in hun azang uhi. Kheng in Pasien mai leh khat leh khat mai ah hagau lamah "a khedapte uh sut dingin achiel a, Mosi in singbawh kang lai a Pasien atuoh dan khu a ngaisut hi. Tami’n a etsah ahileh mun siengthou sunga lutna a ensah a, kikhawpna a tel teng tungah Pasien a um hi chi atheisah hi.
Session hi Cardinal Tagle retreat toh kizawp a peipi ahia, dawna ni ngaihtuo dingin ngetna anei hi, tuate khu: Lei hina lampi ah bang hasatna leh lemchanna na tuoh ei? Tualeh, mission leh communion adinga lei (bridge) hina tungtang ah Jesu pan a bang zildoh ding akinem uoi?
Tami hun hi mun thum in akikhen hi.
Hun masa pen ah participant te’n ami mal thungetna ga uh tungtang akikum uhi. Mi dangte’n siptah in angai ua, dawhna pe lou in, hoitah in angai khie uhi. Tami hun hi thungetna ga dihtah theinuam na a kimang ahi.
Hun nina ah participant te’n amau ngaidan agen kia nonlou in hun aki sawtsah sih hi. Tua sanga, mi dangte thugen ngai jieh a alungsim uh akihon dan khu agen jo uhi. Athu ngaikhiet te uh pan a Hagau Siengthou in amau tunga na asepdan theina ahi.
Hun sip ah alut kia ua tualeh ahun thumna ah alut kia uhi. Tami hun in participant te’n alah ua Hagau Siengthou a um leh alah uah na asem hi chi athei thu uh akikum uhi.
Cardinal Tagle retreat jou apat a Hagau a kihouna a lut ahi jieh un, vai saite’n zingmawng a thuhilna te atah a mang thei dingin ang peikhawmte kungah chielna anei uhi. Mission leh communion adinga kawtkhah hi dinga hatna khu a ngaituo ua, bishopte, siempute, sakhuo mi leh lay mite’n tua chielna khu thungetna tahtah toh kingiemkhietna toh hinpi a, FABC kikhawpna ah Hagau Siengthou avaidawt uhi.
