FABC office, Siempu te adia kibawl in, Asia gam buppi a Synodal leh Mission Oriented Priestly Formation kichi pen atawisang hi.
Asia gambuppi a Bishop te Indonesia gam Jakarta a kisutuo ding a aki singsat lai lai un Siampu te dia kibol FABC office in hagau lam a hat siempu, pienthana nei siempu, pawlpi mite puihuai thei ding angai poimo mama hi.
Kum 2004 a kiphutkhia FABC Office for Clergy hi Asia gam a khotang hinkhuo leh tawndan, sakhuo leh pawlpi nasepna tuom tuom Pasien biehkhomna leh hagau lam a hatna ding a Bishop, hiltute leh siempu te kithuapi dia chial ahi. Tam office in atup pen khu Asia gam a siempu te hoitah a siamtha leh hagau lam a hatsah ahi. A bishop te tawh lung kituo tah a pasian na semkhom thei angai poimo hi.
Seminar leh kidohtuona leh kisuhkhomna zang in office in siempute apoimo ngai masa a, Siempu suo ding te umna seminary puo phatna leh sakhuo lang a kihil tuona bishop te ading.
FABC office for clergy ading a phukhiat ahimasang a Asia gam buppia siempu te vaiguan te leh hasatna tamtah te mano ding a ngaituo ahi.
Office a programme lian pen amaspen khu May 14 apat a 19, 2006 sung in Thailand gam a Selesian Retreat House ah nei ahi. Tam kisuhtuona in Seminary a alulien pen te mi 73 leh Asia gambupi sung a um gam 14 te apat formators te ahi uhi.
Kum 2007 August in Ofiice in Bishop te ding in “Siempu te etkai dan-adieh a hahsatna tuohte” chi thupi zang in seminar ding ngaitua ahia tam ahi leh Bishop ten siempu te hahsatna tuohte, amau mimal a buaina tuoh te kithuopi thei dan dan a kithuopi na ding a chiel ahi uhi.
Kum 2008 in Thailand gam Bankok gam ah Seminar lian ni nei ahia, Amasa pen “Siempu te ding ngaitua na – ahuntah a apoimo dan” September 8 apt 14 tan in nei ahia adiah a Asiam gam buppi a um siempute a mimal hinkhuo zat dan aki enkhia a, hahsatna atuohte uleh abuaina thupi pen te uh Bishop ten a etkai thei ding uh ahi. Anina ahi leh, “Catholic pawlpi sunga a siempuhina-Leitung gam khantou dungjui a kimaituo pi ding” November 17 apt 23 tan a kimang ahia, tami hun in Siempu te kung a chielna kibol ahi leh, ahina uh ngaituo than a leh koi ahi uh kigel phat na , a pasian na sep ua Pasien aum jing , tuo leh siempu hina a kipana nei tha kia ding.
Office in pawlpi hahsatna hing suodoh te khu kum 2011 a bishop leh formator te dia “The Impact of Pedophilia Crisis on the church in Asia” kichi Seminar zang in mailam son sutzom ahia Humi nua a kum 2012 in “Asia gam a Siempu Zineina hinkhuo zanglou ten hahsatna atuo tulai a hahsatna” kichi seminar nei ding ngaitua ahi.
Kum masa vel in Office in Synodal formation nahpitah in a enkai hi. Kum 2023 leh 2024 in FABC-OC member ten limpia tungtawn a kihoulimna anei na ua, siempu te formation siam ding agen a,Asia gam tuam tuam a apei pi uh dan tea gen khom uhi. Kum 2025 April apt May tan in FABC in Asia gam a Seminay rector lian pen te ding in FABC 50 thu leh Synodality te zui ding in Workshop a ngaitua a Seminary te ding a sil hoi bang bang e bawl thei ding chi ngai tua na kibol ahi.
FABC for Clergy in amudan in Synodal Formation kichi pen hi tukhan Biehna ading a poimo pol in akoi aSiempu te khu lamkai hina a ahoi pen leh mi toh kituo leh mi dinmun thei te ahi ding uh deisah na hi.
Office in Synodality khu alim le mel pua mei mei ahilou leh vaiguon mei mei hilou in pawlpi hina ding dan ahi chin aha gen mama hi. Siempu leh Bishop te khu Christa nuajui ding a puihuai na lunggel nei pum a hagau lam sil asang angai ahi. Adiah a khovel khantou dung jui a AI leh sil dang dang te jiah in.
FABC for Clergy te Office dang dang te toh pang khomna leh kilung tuo tah a sepkhomna te sunzom jel ding a lam et ahi.
FABC Plenary Assembly khawmpi a 12 veina akinei masang in Jakarta a Asia gama pawlpi hina a synodal kalbi adieh a siempu te tanvou hina tungtang ngaituana suhat thei zel din ala et hi.
FABC office for Clergy khu tulai tah in Archbishop Udumala Bala in apuihuai a, FABC a Cardinal Filipe Neri Ferrao chairman an atului pa tung ah tung a akipana thu aphuang hi.
