The 12th Plenary Assembly of the Federation of Asian Bishop's Conference FABC, Jakarta mun a vaiguon a bei toh kituoh in FABC in Asian gam a hattuom ten Synodality mission pen, pangkhom dan siem ding leh, ki houkhom dieldiel ding leh ki ittna tetoh atha a suhal tha ding leh hattah a i tupna te kalsuan zo ding in hanthawnna bawl hi.
Tualeh July 20 apat 26 tan weeklong Assembly ading a hing kalsuan Cardinal te, Bishop's te, priest te, religious te, leh lay delegates 120 val te "you will see greater things" (John 1:50), " the call to synodal conversion and the mission of being Bridge and the bridge builder' in Asia" chi thupi tungtawn in vaiguon a kihal thei uhi chin tahlang hi.
Tualeh kum 4 hal a kibawl zel tami assembly in hattuom te a ding in sie leh pha khentel theina leh tami gamsung a hahsatna tuomtuom poverty, migration, conflicts, geopolitical tensions, digital transformation leh interreligious relations tuomtuom te komkal a khangtouna leh malam sawnna tungtang a phatuom mahmah ahidan mipi peikhawm te apat mu thei ahi chin gen hi.
Tualeh traditional meeting bang mai lou in tami Jakarta mun a assembly a, thumna te, hagau a kipawlkhawmna te, table conversation te bang nei thei ahidan zong gen hi.
Tualeh tami Assembly hun a message poimo penpen ahileh Synodality in structural tha leh nasepna tha te a kikhel na apoimo sih a, hinanleh local hattuom te thugen ngaikhie a sunglam apan mimal a kikhel na poimo zo ahi dan zong gen hi.
Tualeh suun hun a Prayer leh recollection hun te a Cardinal Luis Antonio Tagle in mipi te kung a hattuom a bridge hiding khu Jesu Khrist, pasian leh mihing te kikal ading a 'bridge' apat hing kipan ahia tualeh tami kikhen na leh buaina gam a "bridge building" hina ding in humility, vulnerability leh sacrifice apoimo hi achi hi.
Tualeh "becoming bridge" chi thupi khu delegates ten The tunnel of friendship, Jakarta Cathedral leh Istiqlal Mosque a vehna tungtawn ua mu thei in aum hi, aziehpen tambang a kalsuan na in gindan tuomtuom te lah a kihoukhomna tungtawn in lemna leh muonna a tun hi achi hi.
Tualeh agah suoh hoi mahmah khat ahikia leh FABC Statue revison ki bawl pen namdetna ahi. Tami statue ki update tha pen in federation governance suhat ah, tualeh office tuomtuom te nasep ding chiengta in kohmu a, tualeh Asian leh leitung buppi a hattuom te lah a kituohna leh pangkhom siemna te suhat hi.
Tualeh assembly in zong challenges tuomtuom te, Artificial intelligence te, rapid development te zong pulah na nei ua, tualeh closing press conference hun in hattuom lamkai tuomtuom ten siemzilna lam, pasian thu puongzah nalam leh hospital mun te a AI manphat na teleh pasian nasep nading a vanjat phatuom mahmah khat ahichin pulah uhi.
Tualeh message tawpna ding in Asian hattuom te kituoh tah a chi leh nam tuomtuom tengkhom teleh leitung sietna te lah a kalsuankhawm jing ding leh khotang a ding a kinepna, ki lemna leh ki lungtuoh tah a ki houkhom zing thei ding in hanthawn hi.
Tualeh tami Jakarta mun a vaiguon bei toh kituoh in delegates ten inn lam chiet a zuon ta ua, documents leh athu leh laa maimai hilou a Synodality ichi pen eite lah a hing thei na ding zong a puoh uhi chin agen a, Tualeh tami 12th Plenary Assembly in Asian hattuom te mission pen, ki lungtuohna te, khat leh khat ki ngaikhietna te, kalsuankhawmna te leh tami leitung kikhel na te a pasian ittna toh kalsuan te khut a kinga ahi chin pulah khietna leh hanthawn na bawl hi.
