Cardinal Grech: Tuolsung Pawlpi chin in khovel pum huop a Pawlpi poimawna anei hi
Tuolsung Pawlpi jousie in silpieh lamdang khovel pum huop a Pawlpi in a lo thei lou anei uhi, chi’n Synod of Bishops Secretary General Cardinal Mario Grech in July 24 a Federation of Asian Bishops’ Conferences (FABC) a 12 veina Plenary Assembly a telte a hil hi.
Hotel Mulia a Vanda Room a "Pathways for the Implementation of the Synod" chi thupi zangin Cardinal Grech in Asia gam tuom tuom a bishopte Synod on Synodality peipi khu administrative exercise bang hi lou in, tuolsung Pawlpite'n "silpieh kipieh tuona" chin gen in hausatna hun lemtang banga gel dingin a ngen hi.
"Koima Pawlpi in silpieh jousie anei sih a, Koima Pawlpi silpieh ding neilou a umsih hi," a chi hi.
Synod lawchinna khu report, pastoral plan, document siem doh zat apan a et lou dingin ahil chien hi.
"A tup pen khu document dang siem mai mai ahisih hi," achi hi. "Implementation phase in Pawlpi tuom tuomte kikal a silpieh kipieh tuona dih tah siem atup a hi."
Tua peidan khu a bulpi pen ah vaihawmna lam sangin hagau lam sil ahi chi agen sawn kia hi.
Gentena dingin, Asia gam a Pawlpi tawm jote missionary resilience in mun danga Secularization hileh, pastoral challenge dang toh kimaituo Pawlpite adingin zilna poimaw tah a pie hi chi agen hi. Tualeh Asia Pawlpite’n Africa, Latin America, Europe, leh Oceania apan a hing pei sil pieh leh pastoral malahna apan a zong azil thei uh ahi.
"Kizawpna hi reciprocal a hi," tualeh Pawlpi chin hi ahiltu leh zillai ahi uh thu agen chien hi.
Cardinal Grech adingin tami kihausat sah tuona hi Catholic Pawlpi hina etsahna lienpen khat ahi.
Kum 2028 Ecclesial Assembly mailam hun en in Cardinal Grech in kum hing tung dingte khu kipahna, theisiemna leh kihil tuona hun ahi thu agen hi. Tami kikhawppina in khaovel mun tuom tuom a tuolsung Pawlpi tuom pan a silpieh leh theina hing pot te khu a khawlkhawm dinga, aki entuo thei ding ua, Pawlpi kipawlna leh mission ahatsah ding hi chi agen chi kia hi.
Pawlpi khu atawpna ah structures mai mai zang hi lou in Pasian Thuhoi Thupha a siem kipawlkhawmna zangin ahing khang lien hi chi’n gen in athugen atawpsah hi.
