Asia Gamkai Pawlpite hi Kinepna a ki innveng dinga hat ahi uhi, chi’n FABC Evangelization Leader in gen

Asia gam tuom tuom pan a bishopte’n Jakarta, Indonesia a Federation of Asian Bishops’ Conferences (FABC) Plenary Assembly a 12 na kinei ding a kisahkhawl laitah in, FABC Office of Evangelization (FABC-OE) chairman Malaysia Archbishop Simon Poh in Asia gamkai sunga Catholic pawlpite kungah kilainatna, itna toh Kinepna a innvengte hiding leh Asia gam tuom tuom leh nam tuom tuom umna a Khrista thupha hawmte hiding in chielna anei hi.

July 20–26 a kikhawpna kipat masanga alai hah na ah Archbishop Poh in Asia khu zat leh nam tuom tuom leh tawndan tuom tuom te leh sakhuo tuom tuom mite umna gam khat ahi thu agen a, Ginna tuom tuom zuite khu kum tampi sung ana um khawm uh thu agen hi, Tua mabangin tami gamkai in buaina, colonization leh kikhena zong atuoh hi.

Tami hasatnate kal ah Asia gamkai mite khat leh toh kiza tah leh kilemna toh a umkhawm ding alunggul dan uh muthei ahi achi hi.

Archbishop in FABC Plenary Assembly hing umding in September 2025 a Pope Francis in Jakarta a azin a kithlawpn lungsim khu apeipi nalai hi, aman koima khentuom neilou mijousie tunga kipumkhatna, kihoukhawmna leh pankhawmna hatsah dingin pawlpi ana chiel hi achi hi.

“Tami FABC Assembly tungtawn in Pope Francis in a pawlpi nasep anapat zat leh nam tuo tuom, tawndan leh sakhuo mi kibahlou na lah ah pawlpi khjum lampi siem hidinga ana chielna a kipeipi nalai hi,” chi’n Archbishop Poh in agen hi.

Pasian Thuhoi Thupha phuonna lam pan in, pawlpi tupna khu Pasian thu leh phuon ding maimai ahisih a ahin mite kikal a ki-itna, kikhotuona leh damna tut ding ahijo hi. FABC Office of Evangelization in Asia gam pum a Catholic te khu lawm hina leh kipawlkhawmna a kizungphu a Pasian thu hawmte hina dingin, Nikhat ah na innveng pa khat hil in,” chi’n agen hi.

Samari mihoipa gentena zangin Archbishop Poh in Khristiente khu a kiimvela mite, adieh in gentheina, hasatna, buoina leh khentuom mite tunga innveng hoi hidinga hat ahi achi hi.

November 2025 a Penang, Malaysia a FABC-OE Mission Congress, “Kinepna lienpi toh zinna Siengthou,” chi thupi gente na nei in Asia mikhat hina a kipumkhatna, kihoukhawmna leh pankhawmna tungtawn a Pasian Thuhoi Thupha hawmte hiding in chielna anei hi.

Jesu’n Pasian thu tangthute, kimutuonate, mi damsah nate leh ngaidam nate pan a ahawmte ngaisun in, “Asia Minor a um Bethlehem a piang ahijieh in Jesu hi Asia mi tah tah ahi,” chi’n Archbishop Poh agen hi.

Mailam hun en in, FABC Office of Evangelization in Evangelii Gaudium a Pope Francis in gam mawng tung dinga aki hatna khu adawng zel nalai ding chi agen hi. FABC Office of Ecumenical and Interreligious Affairs (FABC-OEIA) leh FABC Office of Theological Concerns (FABC-OTC) tetoh kithuo in, tami office in December 2026 chiengin Asia gamkai sunga Indigenous community uom tuomte kikhawpna vaiguon khat abawl ding hi.

Tami panlahna hi Indigenouste awgin hatsah ding sawmna ahia, Pasian Thuhoi Thupha leh Indigenous culture kikal kizawpna siem sawm ahi, kikhel danglamna hasatnate kal a hun sawtpi pi leh pute gam etkawlna lampi dettah azahte uh khotang toh zilding asawm hi.         

Archbishop Poh in Pawlpi kinepna khu Asia gam puma Catholic leh Pawlpi lamkaite hinkhuo zangin Khrist lainatna, kilemna leh damsahna itna khu akilang a, tami in khotang ah lemna leh muanna a umsah ahi, achi hi.