Archbishop Linus Neli in ann ngol thumna nei chiet dingin Catholic pawlpi mite kunga ngetna leh theisahna nei

Ki lemna leh muonna um theina dingin ann ngol thumna kinei ding

Hing tung ding date 3, 4 ,5 May ni’n ann ngol thumna nei chiet dingin Catholic pawlpi mite kunga ngetna leh theisahna thusuo tangkkouna Pu Bishop Linus Neli in bawl hi.

Peisa kum 2023 May 3 ni’n Meitei leh Kuki Zo te ki douna kipan ah, tuana May 3, May 4 leh May 5 ni’n ki douna, ki thana, ki bawl sietna , inn-le-lou, Bieh inn, khuote tampi na ki hal in, na huoi sie mama hi.

Pu Bishop Linus Neli pen gal umlai tah in Topa na hia, gal kim laitah in, Bishop hina dingin peisa October lha in Pu Pope Francis in Vatican khuopi pan telkhietna nanei in, December 8 ni’n Senapati khuopi ah thupitah leh lawching tah in lopna na ki neipi hi. Pu Bishop Linus Neli Bishop hina namdetna nga doh jou in, Pawlpi mite umna jousie, relief camp lah jong vilna nei ah, tua thamlou in gal jieha, Biehin kihaltum te jong na vil in, bieh inn ki haltum um talou mun ah khupdin pum in thumna jong vanei let hi.

Aman genna ah, gal in bangma phattuomna tungsah lou hi jiehin May 3, 4, 5 ni’n ann ngol thumna i um na chiet leh I bieh inn chiet ua nei dinga chielna nei a, tuana aman kilemna leh muonna khatvei hunpie vai kilemna toh umkia vai chi’n pawlpi mite jousie hanthawnna leh chiel nei sawn hi.

GIVE PEACE A CHANCE