Ahivang in hagau lam a um masa sih a, tahsa lam a um masa hi, tuami nua in hagau lam a hing um hi. Mihing masa khu leivui a siem leimi ahia, mihing nina pen van a hing kipan Mangpa ahi. Leivui a siem leimi khu leivui a kisiem pa bang ahi ua, vanlam mite zong van a mite bang ahi uhi. Lei a kisiem mel i puoh bang un, vanmi mel zong i po ding uhi (1 Kor 15:46-49).
Pei inlen, “Kithoina deilou in hepina kadeijaw hi,” kichi khu va simta’n. Ajiehpen midihtatte haan ding a hingpei kahisih a, mikhielte haan ding a hingpei kahijaw hi,” achi hi.
Ann mangthangthei sui in dieng dieng sih unlen, kumtawn a umzing ding ann sui in dieng zaw un, tuate Mihing Tapa’n noute kunga ahing pieh ding ahi, ajiehpen Pa Pasian in atunga chiemtena a anamdet ahi.
Tualeh nou khatvei pampai a umsa leh lungsim gilou a silhoilou bawlte Ama mai a gensietbei, thaanghuoi lou leh siengthou a ahing umsahthei nadingin ashina jaal in atahsa pumpi toh ahing kilemsahta hi.
"Aw TOPA, thupinate, silbawltheinate, pahtawinate, janate, lalnate nanga ahia, lei leh van a um jousie zong nanga ahia, aw TOPA, leenggamte zong nanga ahia, nangma mi jousie tunga tawisang nahi".
"Pasian ngaisiem na a nidang laia akhelnate uh melsie a, aum jieh in dihtatna etsah nadingin Khrist Jesu khu, asisan a, ginna jieh a, khelna thuphatawina hiding in aguot a, ama khu midihtat ahi chithei nading in leh Jesu gingta pouma khu siem tangsahpa ahi chite tulai dihtatna etsah nading ahi".
