NICHIN THUMNA PUITU By Rev. Awnkhankhup
September 26 (Seppatni)
THUNGET DING DAN
Tualeh thungen a na din pouma chieng un, koi tung hitaleh na lungdamlouna uh a umleh ngaidam un; tuachi’n na pa uh van a um in zong na khelnate uh a hing ngaidam theina ding in (Mark 11:25)
Pasian masang a thungen ding a i pei chieng in, ngaidamna lungsim toh i pei ding uh ahi. Mi koi in zong i tung a bawlkhiel a neileh, aneu pen apat a lienpen tan in i ngaidam ngeingei ding ahi. Mihingte khu bawlkhiel thei ngentang i hi zieh un i kingaidam zelzel uh a ngai hi. I thungetnate Pasian in a hing dawnlou zelna zieh khu ngaidamna lungsim i neilou zieh ahi zel tangpi hi. Ngaidam louna lungsim khu i hagau hinna mai in thuohlou in, i tahsa damna in zong a thuoh mama hi. I ngaidamlou chieng in i tahsa i sugenthei a, i lungsim i tawlsah a, tuateng ban ah i hagau hinna a sukha in sietna tampi a tun hi. Ngaidamna lungsim nei ding in panla lei, i tahsa, lungsim leh hagau in a hamphatpi ding a, i khelnate zong ngaidam in a um ding hi.
