NICHIN THUMNA PUITU By Rev. Awnkhankhup
September 12 (Seppatni)
KHRIST VANG A THUOH NGAM
Suh genthei a ka um masang in ka na vahmang kha zel a, tu in vang na thu ka zuita hi. Na dan thute ka zui theina ding a, suhgenthei a ka na um khu kei ding in a hoi ahi (Sam 119:67,71)
Lungkhamna leh mangbatnate i tuoh hun chieng in, vangse tuom deu a kingainate a um zel hi. Hinanleh natna kal ah damna kiphumgu a um a, i thuoh thei ding val thuoh ding in Mangpa’n a hing phal ngai sih hi. Na hamsatna leh na lungzinnate ngaituo tha zelzel lechin, manpha uh ahidan na mukhe ngeingei ding hi. I chi i lu a dam a, i hi thei hun chieng in Pasian manghil a bailam mama kha zel hi. Tami Sam phuohtupa zong, khovel lam a a na thuhlutsa, suhgenthei a a hing um tah in Mangpa lam a hing nga pan hidan in a kilang hi. Mangpa dan thute a zui theina dinga ahinna sawizoi a um masa hidan in a gen a, tuate khu ama a ding a Pasian naina hing hita ahi dan zong a gen kia hi. Tam thute zieh a Mangpa’n hasatna i thuoh ding a na phal ahi dan mu thei in a um hi.
