NICHIN THUMNA PUITU By Rev. Awnkhankhup
September 22 (Ningani)
HATTUOM-PASIAN KHOPI
A suongphum khu muol siengthou a um ahi. Mangpa’n Zion kulpi kotkhahte khu, Jakob umna zousie sang in a ngaina zaw hi. Aw Pasian khopi na tungtang thupi tahte a gen uhi (Sam 87:1-3)
Israel taten a khopi uh Jerusalem khu a ngaina mama ua, Jerusalem loungal mun dang a Pasian bieh thei ding in zong a ngaituo thei ngaisih uhi.Babulon sal a atan sung un zong, a ngaituona uh Jerusalem lam ngentang ah a um zing hi. Jerusalem a manghil sang ua a khut zietlam un a khutsiemna manghil zaw henlen, a theizing sih uleh a lei uh a dangtawng uah behdenleh chi a dei zaw uhi (Sam 137). Thuhuntha ah hattuom khu Pasian khopi ahita a, a khuo leh tuite khu Mangpa Jesu sisan a silsiengte i hi uhi. Hattuom khu hagau lam a i poimaw zousie i lahna mun ahia, tuaziehin, a sung ah i teng in, i ngaisang in i hengla vungvung ding uh ahi. A lamkaite hat leh hatlou thu hilou in, hattuom neitu Jesu Khrist zieh in i it un i ngaisang ding uh ahi.
