NICHIN THUMNA

Bibleverse

NICHIN THUMNA PUITU By Rev. Awnkhankhup

September 28 (Nilaini)
  ELISHA 

“Ngai in, tam Israel gamsung chiloungal, leitung pumpi ah Pasian a umsih chi ka theita hi, tuaziehin na suohpa kipahmante hing sanpieh in”, a chi hi. Hinanleh guolnei in a dawng a, “A nna ka sep Mangpa min in ka gen ahi, khatzong ka lasih ding” a chi a. Naaman in la mai ve chi’n a ngen vangua a, hinanleh a la nuomsih hi (2 Leengte 5:15,16)

         Elisha hinkhuo ah pen, Elija bang a phunnawinate taisietnate leh meidawinate mu ding a umsih ahi. Siria mi galkap lamkai Naaman suhdam ahilai in, Elisha khu kipahmante la ding a sol in a um a, hinanleh a utsih hi. Asuohpa Gehazi in tua silpiehte enla sengseng ahiman in va nuadel in zuouthu gen in a pu Elisha lah nuomlou kipahmante a vanualahta hi. Tuatah in, Naaman phahna khu thakhat in Gehazi tung ah ahing tung phutta hi. Tam mun a Elisha in lah ding a hoilou silpiehte a lahlou ngam khu a thupi in a ngaisang huoi mama hi. Tuni hun in eite lah ah zong ei a ding loupi, la a nei ding a sol a  i um hun chieng in, lahlou ngam ngai ahi chi ahing thei sah hi.

Add new comment

9 + 4 =