NICHIN THUMNA PUITU By Rev. Awnkhankhup
September 14(Nilaini)
MESSIA LEENGGAM HINKHUO
Ngie khu belamnou toh a um khawm ding ua.....Ka muol siengthou zousie ah kisuhnatna a um nawntasih ding hi. Aziehpen tui in tuipi a tuomsuoh bang in, leitung Mangpa theina in a dim ding hi (Isa.11:6-9)
Tam thute khu mi khenkhatten shi nua lam chieng a gingtute tan ding bang in ana gen zel ua, hinanleh tua dan a koidap mai ding in deikhop huoilou abang hi. Isai in Messia hing pien ding thu a na genkholsa mabang in, tu in zong Messia Leenggam khu tami khovel a leenggam dangte toh kibang hetlou ding ahi chi a na mukhol thu a hing genkhie hi. Tam khovel ah pen mi thupi leh mihatte a guolzou leh a hampha a suo zel lai un, Messia Leenggam ah pen kimelmahna leh kisuhnatna a beita ding a, deidan kibang a tengkhawm in, Kros silbawltheina zieh in kilemloute zong a kilemta ding uh chi in ana gen hi. Messia Leenggam a teng i hi lai in, i nupa kalte, innkuon sung leh veng-le-pam toh tenkhawmna munte ah a muol siengthou a tengte hinkhuo bang i zangkha na uoi? chi ki-enchien zel va ui.
