PUITU BNICHIN THUMNAy Rev. Awnkhankhup
September 15 (Ningani)
KHELNA KIBAWL TAWM
Tuaziehin mi silhoi bawl ding thei napi a, bawl tuomlou khu, ama a ding in khelna ahi (Jak.4:17)
Jakob laihah pumpi khaikhawmna khu, ‘Ginna nasep panglou in a shi ahi’ chi thei ding a gintat huoi hi. Ginna kichi ama mai a a um a, abei chieng in a shi a, tuaziehin ginna khu nasep in a zui ngeingei ding ahi chi khu Jakob ngaidan lientah ahi. Tu a i taangteel a i simna ah zong gingtu khat in silhoi a bawl ding thei napi a a bawl sihleh, ama leh ama khelna a kibawlsah ahi chi khu a thu peipi dan ahi. Bible sim, thumna, biehinn kai, silpieh pieh leh adang dang i bawl ding a hoi mamate thei gegu napi a i bawllou teitei chieng in ut leh da in khelna i bawl uh a ngai zel mai hi. Tuaziehin, Pasian in sie-le-pha theina lungtang chiim tah a hing pieh ban ah, a Hagau Siengthou ahing puitu ding in ahing pie a, tua thu mang in silhoi bawl zel va ui.
