NICHIN THUMNA PUITU By Rev. Awnkhankhup
October 19 (Nilaini).
MANNA
Tuachi’n Mangpa’n Mosi kungah, ‘Ngai in nou a ding in van a kipat tanghou ka hing kesah ding; tuachi’n mite a pawtdoh ding ua, nichin in a nehkhop ding uh a tomkhawm ding ua, ama un ka dan a zui uleh a zui lou uh ka etchien theina ding in (Exo. 16:4)
Manna khu Israel-ten gamdai a Pasian in a dan thupieh a zui uhleh a zuilou uh etchienna ding a a zah ahi. Pasian thuman kizilna ding a vanzah poimaw tah khat a suoh hi. Jesu’n kei van a pat a hing peisuh hinna tanghou ka hi a, tuami na neh uleh na hing gige ding uh a na chi hi. Van apat a hing pei hinna tanghou neh khu Jesu Khrist gintah ahimai hi. A tahsa uh shi nanleh, a hagau uh a hing zing ding a na chi hi (Job 6:49,50). Pergamos hattuomte kung ah Jesu’n, ‘A guolzoupa kung ah manna phuolguh a neh ding ka pe ding’ a chi hi (Kih. 2:17). Hagau lam ann (Manna) i lah theina khu Pasian thu Bible sim, thum, kikhop leh Pasian thu ahina bang a hinpi a zui khu ahi.
