MISIENGTHOU MARIA GORETTI (Italian)

MISIENGTHOU MARIA GORETTI (Italian)

 

 

Siengthou Maria Goretti hi Oct.16 1890 kum in apianga, July 6 1902 kum in ashi hi. Ngahnu siengthou leh Catholic Biehna a siengthou chia (Canonized) phuondoh lah a naupang pen khat jong ahi.  Lou nasem mi innsung khat ah ana pieng a, apa in kum kuo (9) bep ahi lai in ana sisa’n ta a, genthei hamsat jiehin Serenellis kichite innsung mite tawh ana teng khawm uhi. Maria in inn nasep bangkim ana mawpuo a, anu leh a ute nichin lou nasem in ana pangch uhi.

                                   

Sunkhat, a inn neipa guolhang/tangval Alessandro kichi kum 20 phapan khat in minsietpi dingin anajolta hi. Tambang jon thanghuoinate Maria deidan anahi lou jieh in anuom sih a, Alesseandro in temtoh sawmlehlivei (fourteen times) dot in ana sunlia ta hi. Akin thei banga Hospital atut vangun adam jou tasih a, abawlliempa ngaidamna apieh jou in ashita hi. Tualthat guolhang Alessandro akiman a jail ah akikhumta hi.

 

Alessandro kum sawmni leh sagi (27) jail aum sungin akisia a ang piangtha ta hi. Jail a pat a angpot pot in Maria nu kung ah ngaidam ava ngenta a Maria nun jong ana ngaidam ta hi. Tua jou in Alessandro jong Pasien nasem lay Brothers in Monastery khat a ana lut a 1970 kum in ashita hi. Maria jong 1947 kum in siensuo (beatified) ana hi a, 1950 kum in Siengthou (Canonized) ana hita hi.

 

Catholic Siengthou pawlpi in Siengthou Maria Goretti pawi (feast) kumsim July 6 in aki phawh tawntung hi. Amanu hi Sienthouna, bawlsiet numeite, nungah jousie, khangtha jousie, Ngahnu neute, Migentheite leh Ngaidamna nei  Siengthounu chin jong akithei hi.

 

Add new comment

4 + 3 =