Limpia siem minthang Pu Dr.Shaison Ouseph

Limpia siem minthang Pu Dr.Shaison Ouseph

 

Pu Dr.Shaison Ouseph hi Kerala state a pieng ahia, Katholik Pawlpi mi ahi. Aneulai pat anu leh apa’n Khristien tawndan lamsangah hoitah in ana chiil ua, apa bangin, pawlpi sungah tanggieh sinlen, pawlpi pam ah zong pawt in achi hi. Hichi’n mi tuom nam tuom leh biehna tuomtuom mite toh kipawldan azil a, tu’n leitung pumpi ah aminthangta hi. Ama pen limpa bawl (film maker) ahia, lim kapt siem (photographer) zong ahia, mun tuomtuom a zat leh nam tuomtuomte leh naupangte’n hinkhuo amandan uh limpia ah asuohsah a, gam tuomtuom in nuomman apie hi. Naupang gentheina toh kisaia limpia abawlte’n kumpite nasan alung heisah thaw. Ama lunglutna ahileh numeite thapiehna (women empowerment) leh naupangte nasep khamna (prevention of child labour) tungtang ahia, tam toh kisaia limpia abawlte pen UNO, India Kumpi, Kenya Kumpi, USA Kumpi, Nepal leh NGO tuomtuom in nuomman apie hi.

 

Tu leh tu in Pu Dr.Shaison Ouseph in Bumbai a Xavier Institute of Communications ah limpia bawldan (film production) hil in apanga, ama company zong Mumbai ma ah aom hi. August 2019 in Fr.Mark Aimeng in Delhi ah ava kimupi kawia, akiholimna gel RVA Zo Service Maibu ah akikhang jota hi. Tua kum in Delhi ah Signis India in kikupna lienpi khat amanga, tuanah Pu Shaison thugen dingin akihan hi.

 

World Institute for Peace (WIP) in ana sepna toh kisai in nuomman khat apie a, nuomman min ahileh ‘World Icon of Media for Peace 2017’ akichi hi. Tuathamlo in 2019 kum in ‘Gandhi Peace Ambassador’ in Europe ah ava pangta hi. USA ah zong azin jel a ‘Matrix of Learning’ kichi ah zong director in ava pang kha hi.

 

Hichia Katholik Pawlpi mi khat leitunga minthanna anei khu pawlpi dingin kipahna leh kipohna lienpi khat ahi. Ahunhun in tote leh ngahnusiengthote zong limpia toh kisai pil leh siemna ahil jel a, akitul maw mama hi. Thei dinga kilawm in Pu Shaison hi Thuhoi Melmu WhatsApp Group ah apang gige a, lim leh limpia tampi akhangta hi. Mun tuomtuom a alim kapte leitunga magazine minthang lah ah akizang gige hi. Fr.Mark Aimeng toh lawm leh guol hoi khat in aom gel a, limpia toh kisai panpina apie jel hi.

 

Pu Dr.Shaison Ouseph toh kisaia limte

 

1.Pu Dr.Shaison Ouseph leh Kenya a naupangte

2. Pu Shaison in Kenya a gam ganhing (wild life) lim akapna

3. Xavier Institute of Communications a Pu Shaison sangnaupang limpia bawldan ahilna

 

Add new comment

9 + 4 =