France gam a kum 118 a upa Ngahnu Siengtho Sister Andrea leitunga damsot pen hita.
France gam a kum 118 a upa Ngahnu Siengtho Sister Andrea leitunga damsot pen hita.
Nganu Siengtho Andre koi e?
Guiness World Record in a chiemte dan in kum 118 leh ni 73 a upa sister Andrea hi Japan gam a kum 119 leh ni 107 a upa Kane Tanaka April 19, 2021 nia a si jou in Nganu siengtho Andre khu leitunga damsot pen in aphuong ta hi.
Sr. Andrea hi february 11, 1904 kum in ana pieng a, Lucile Random chin ana ki minvaw hi tualeh 1944 kum in nganu siengtho a nasuo hi.
Theidinga kilom in Sr. Andrea hi Europe gamkaipi a ding in leitung a mihing na damsot te lah ading in a 3 na ahia
tualeh France gam sunga dingin jong a 3 na ahi. Tualeh ngahnu siengtho te lah a a damsot pen jong ahi.
Leitung a damsot pen nu thei chienna:
Lucile Random hi 1944 kum in Ngahnu Siengtho ana suo a tualeh amin ding in Andrea ana tel ahi.
Kum 1939 apat 1945 leitung galpi nina sungin sang sie leh zato inn ah chinna damlote ana enkol ahi.
Tualeh galpi topzo in kum 28 sung tehsete leh tagate France gam a Vichyin of Auvergne-Rhone-Alpes zato inn ah ana enkol ahi.
Sr. Andrea hi kum 12 sung France gam a retirement home a om ahita hi.
Tualeh adamsung ah Leitung natpi pul 2 Spanish Flu leh Covid-19 ana tuoh ah, tuami gel ah ana suohta hi.
1918 kum in na Spanish flu pul jieh in mihing 50 billion in sina ana tuoh a, Sr. Andrea pen ana tami pula pat in ana suohta hi.
Apeisa kum 2 sung Covid-19 in mihing hinkhuo tamtah ana la a tuanah Sr. Andre ana suohta kia hi. Tualeh Covid-19 pul a suohta te lah a upa pen jong ahi.
Tun Sr. Andrea hi ateh ta mama a khuo jong aza nonsih a wheelchair toh kitol ahita hi. Zingmong nai 7 in athou let a niengtui adon jou chieng atouna zangah na asem let hi.
