Pu Pope Francis in apeisa March 30 ni’n kum 67 a upa Topa Joachim Walder Aizawl a siempu a om pen Auxiliary Bishop of Aizawl dinga tel ahi tahi chi’n Rome khuopi ah thuphuonna anei hi.
Topa Walder hi April 20, 1956 kum in St. Thomas the Apostle Parish, Nirkan, Mangalore diocese, Karnataka ah ana pieng a, 1973 kum in St. Joseph’s Seminary, Mangalore ah siempu sin dingin ana lut hi, tualeh 1976 kum in minor seminaryana zo hi. 1976 akipat 1979 sung in Christ King College, Shillong, Meghalaya ah philosophy leh BA ana sim hi. 1979 apat 1982 tan Pasian thugen nadingin Shantir Rani Parish, Mariamnagar, Tripura ah Bengali ham leh pau ana sin hi. Holy Cross Parish, Silchar ah regency ana zo a tualeh 1982 apat 1986 sung Papal seminary, Pune ah theology ana sim hi.
April 26, 1986 kum in St. Thomas the Apostle Church, Nirkan, Mangalore diocese ah siempu hina a suhdetna ana nga hi. 1986 kum apat 1989 tan Holy Cross Parish, Silchar, Assam ah Assistant Priest in ana om hi.
1989 apat 1997 sungin St. Joseph’s Church, Badarpur ah parish priest in ana om kia hi. 1991 kum in St. Joseph’s School, Badarpur ana hong a Principal masapen nahi ahi.
From 1989 to1997 he was the parish priest of St. Joseph’s Church, Badarpur. He started St. Joseph’s School, Badarpur in 1991 and became its first Principal.
1994 apat 1999 Silchar region, Assam dingin ana kitel a, 1998 apat 2003 sungin St. Joseph’s parish, Manickbond ah parish priest leh principal in ana om kia hi. 2003 apat 2004 tan Holy Cross Parish, Silchar ah assistant priest dingin ana kitel kia hi.
2005 kum in Sacred Heart Church, Kabuganj ah pan nasa tah in ana la a 2015 kum in ama pan nalah najieh in Parish khat ang suotho a Sacred Heart Parish, Kabuganj chi’n ana kihong hi. Tam mun ah 2018 tan in parish priest in ana om hi. 2007 kum in Holy Cross School, Kabuganj, Assam jong ana hong a 2018 tan Principal inzong ana om hi.
2013 apat 2018 kum sungin dean of Barak Valley fegion, Diocese of Aizawl dingin ana kitel kia hi.
2018 apat tutan office of Episcopal Vicar of Barak Valley Region, Diocese of Aizawl dinmun luo a om ahi.
Aizawl diocese ah katholik palwpi mi 40,892, parish 42, siempu 78 leh pasal pasian nasem mi 68 leh ngahnu siengtho 205 a om a siem sinna sang inn 138 bang a om hi.
Rev. Dr. Stephen Alathara
Deputy Secretary General, CCBI
